Jowai, Nohprah 29 : Ka TMC 2-Jowai Constituency mynta ka sngi ka 29 tarik Nohprah 2022 kala ïoh ban pynskhem ïa ka TMC Khliehtyrshi Unit lyngba u ma Awhai Andrew Shullai ha ka jingïalang kaba la long ha Tyrchi Inn Khliehtyrshi.
Ha kane ka sngi la jied ïa u Saimi Rymbai kum u President u Esterwell Kharsyntiew kum u Secretary u Timmy Ryngkhlem kum u Chairman bad 100 ngut ki Executive Member bad bad 900 ngut tam ki dkhot ha kane ka jingpynskem la wan sakhi da ki hajar ngut ki nongshong shnong ka Khliehtyrshi ha ka jingïadonlang lang u CEM barim ka JHADC u ma MB Rymbai, u Assistant Waheh Shnong ki riew rangbah ka shnong ki longkmie long kpa ki samla kynthei bad shynrang.
Ha kane ka sngi la ïoh ia ka jingkren na u ma M.B. Rymbai uba la ai ki kyntien kyrkhu kyrdoh bad kitbok kitrwiang ïa u ma Andrew Shullai bad ula kyntu ruh ïa ki nongshong shnong ka Khliehtyrshi ban long kiba stad ban jied ia ki nongmih khmat.
Shuh shuh na ka liang jong u ma Andrew Shullai ula ai ki kyntien ai khublei ban pdiang burom ïa baroh ki dkhot jong ka Khliehtyrshi kiba la pynïasoh ïalade sha ka TMC kum ki nongtrei ka party ki ban long ki rishot ha kane ka Election MLA ka ban wan.
Ha kane ka sngi la pynïaid ïa ka jingïalang da u Assistant Waheh Chnong ka Khliehtyrshi uba la pynsngew ruh ba ka shnong hi kumba ka long mynta kam don satia kata ka jingkyrshan kyrtong tang sha kawei ka liang kumba la kam da u Waheh Shnong ha kine ki sngi ba la dep, hynrei kum ki nongshnong shnong ki don la ka jop ka mon ïano kin ibit ban jied.
