Nongpoh, Nohprah 29: Ki 3 ngut ki dkhot jong kawei ka longïing ha 10mer ha ka thaiñ Khanapara ha Ri Bhoi ki la lait salit na ka jingmynsaw, kaba dei hadien ba uwei u maw uba heh u la hap kynsan na tnum jong katei ka ïing kaba don ha 10mer ha Ri Bhoi District.
Kane ka jingjia ka la jia hynnin ka sngi Palei jong ka Taiew, ha kaba la ong ba na ka daw ka jingtih khyndew bad tih maw hajan katei ka ïing, u mam u la hap kynsan ha tnum jong katei ka ïing ba la sop da u phlang bad donbok ha kane ka jingjia ym shym la la don mano mano ba mynsaw.
Kumba la ioh lum jingtip, la ong ba une u maw u hap na jrong lum ba don ka jingtih maw bad u la leit hap beit na tnum ïing jong uwei u briew baa la tip kyrteng kum u Durga Pourl.
La ong ruh hadien ba ki paidbah ki la iohi halor ka jinghap kynsan une u maw heh na jrong lum bad hap ha ka tnum ïing, ki paidbah ki la ïa pyrta bad ki la hylla ioh ba la don kiba mynsaw bad donbom noh ba ki 3 ngut kiba don hapoh ka ing kim shym la mynsaw bad ki la lait salit na ka jingma jong ka jingim.
La ïathuh ruh ba ki paidbah ki la ïa mih bad ïa pyrta ban ïarap bad weng noh ïa utei u maw ba la hap hapoh ka tnum ïing bad kiba bun ki paidbah ki la pynpaw ka jingkmen ba ha kane ka jinghap u maw ym shym la don ba mynsaw.
Halor kane ka jingjia, ki bor pulit na Khanapara tang mar ïa ioh jingtip, ki la hiar sha katei ka longïing ban pynlong ïa ka jingtohkit ioh la don kiba mynsaw bad donbok noh ba kam shym la don kano kano ka jingjia ba sngewsih bad na ka liang ki pulit ki dang pynlong ruh ïa ka jingtohkit halor kane ka jinghap u maw kaba dei na ka daw ka jingtih maw na jrong jong uwei u lum ba don ha jan katei ka ïing, ong ka tyllong khubor.
