Jowai, Naitung 10: Ka Jaiñtia Students’ Movement (JSM) Central Body mynta ka sngi kala pynskhem ïa ki nongkitkam jong ka Jaiñtia Students’ Movement (JSM) Nartiang Circle. Ïa kane ka jingïalang la pynïaid da u Vice President CB samla Skhembhalang Dkhar la ïoh ruh ïa ka jingkren sneng kyntu na u Pillarstone Phawa, Chief Organising Secretary JSM CB bad u Kerbhamiki Dkhar, Assistant Secretary JSM CB bad na u Jimmy Raul Kharmuti Working President JSM CB.
Kitei ki nongïalam kila ban khia ba ki nongkitkam jong ka JSM Circle ki dei ban long ki shipai ba jai jai, ba don nongrim bad ba shlur ha ki jingïaleh ban ïada ïa ka jaidbynriew, ka Riti dustur bad ka Khyndew ka shyiap.
La pynskhem ïa kine ki nongkitkam da u Bah Idahun Lamare, Vice President JSM CB, Incharge of Region. Ki nongkitkam ki long kumne President Nartiang Circle samla Slimiki Phalangki, Secretary Arki Maskut, Vice President u Sunil Bhoi, Asst. Secretary u Hame Swer, Organising Secretary u Fourki Lamare, Finance Secretary u Bor Swer, Sport Secretary u Kat Bhoi, Executive Memberber u S. Dhar, Executive Committee u B. Phalangki, Lem bad ki 7 ngut Dkhot ba pura jong katei ka Circle, pynkut ka kyrwoh na u President samla Slimiki Phalangki President Nartiang Circle.
