Pynshai paidbah halor ki mat ba ïadei bad kiba don jingthut ha ki dkhot met ha East Jaintia Hills

Khliehriat jymmang 14 : Ka Department of Empowerment of Person with Disablities (Divyangjan), kaba dei ka tnat kaba peit kyrpang ia kito kiba don jingthut ha ki dkhot met, ha ryngkat ka jingiatreilang bad ka Holistic Health Care Training & Educational Foundation, Guwahati Assam kumjuh ruh bad ka Barak Vision, Assam, ka la pynlong ia ka awareness prokram ha ki ar tylli ki skul ha East Jaiñtia Hills District, kata ha ka 12 tarik mynta u bnai la pynlong ha Donbosco College Byndihati bad ha ka 13 tarik la pynlong ha Star Public School Lumshnong, la iashim bynta ha kane ka prokram da ki khynnah pule, ki nonghikai lem bad ki kmei ki kpa jong ki khynnah.
Kiba la wan ban ai jingpynshai ki kynthup u Dr. R. Manigandan, Senior Consultant, Dept. of Social Work, NIEPMD, Chennai, u Dr. Dhruba Jyoti Das, BSLP&A, FDM, Consultant Audiologist & Speech Language Pathologist, Apollo Excelcare Hospital, u Dr. Kundan Kumar, Physiotherapist, Composite Regional Centre, Guwahati, Assam. Guwahati bad la ia don ryngkat lang ruh u Rajesh Kumar, Rehabilitation Officer, Composite Regional Centre, Guwahati, Dr. R. Manigandan, Senior Consultant Department of Social Work, NIEPMD, Chennai, Dr. Kundan Kumar, Physiotherapist, Composite Regional Centre, Guwahati, Assam., u G. M. Coudhry, Director of Barak Vison, Assam, u Principal jong ka Donbosco College Byndihati, u Fr George Shiningstar Lyngkhoi, u Principal jong ka Star Public School, u Dilip Kumar, u Dr. Anushmita Chamuah Trustee of HHTEF Guwahati uba dei u co-ordinator jong kane ka prokram.
Haba kren kum u kongsan, u S.D.O Sadar, East Jaiñtia Hills District, u Abhinav Singh, IAS, u la kyntu ba ym dei ban don ka jingpeit beiñ ia kito kiba don jingduna ha ki dkhot met bad dei ban sngewthuh ia ka jingeh jong ki, ki donkam ruh ban tip ba ki don ki hok ba ki dei ban ioh kum ki nongshong shnong ba kyrpang, u kyntu ruh ia ki khynnah skul ba ki dei ban pynshlur ia kum kine ki nongshong shnong ba kyrpang ba kin wan sha ki skul, ki jaka pule ban ioh ia ka jingnang jingstad, u ai ruh ka jingkhublei ia kane ka kynhun kaba na Guahati, Assam, kaba la pynlong ia kane ka prokram.
U Fr George Shingstar Lyngkhoi, u la kyntu ia ki khynnah pule ba ki dei ban pynshlur ia ki khynnah kiba don jingduna ha ki dkhot met ba kin wan sah skul bad ba kin tip ruh ba ka sorkar India ka don ki prokram kiba kyrpang na ka bynta jong ki, u la ai khublei ruh ia kynhun kaba la pynlong ia kane ka prokram.
U Dr. Dhruba Jyoti Das, u la ai ki jingpynshai halor ki jait jingduna kiba don ha ki khynnah, kum kito ki thlun ban kren, kiba don jingeh ha ki dkhot met bad ong ki don ki jait jingduna ha ki dkhot met kiba lah ban sumar, kumjuh ruh u la pynshai shibun kiei kiei kiba iadei bad kito kiba don jingduna ha ki dkhot met.
U Dr. R. Manigandan, Senior Consultant, Dept. of Social Work, NIEPMD, Chennai, u la pyshai halor ki hok ba kiba don jingudna ha ki dkhot met ki dei ban ioh kumba la mang da ka sorkar India bad ong ruh ba ki khynnah kiba haduh 18 snem kyrta, ki dei ban ioh ia ka jingpule bym donkam ban siew, ki don kiwei kiwei ruh ki lad ioh jingmyntoi kiba ka sorkar ka ai man la u bnai ia kiba don jingduna ha ki dkhot met.
Ia ki jingpynshai na ka bynta kito ki briew kiba kyrpang la batai bniah bha lyngba ki projector.
Kumjuh ruh la ioh ban pyni rukom (demonstration) ia ki rukom ai jingsumar ryngkat ki jingbatai da kitei ki doctor ryngkat bad ki khynnah kiba don jingduna ha ki dkhot met ha Star Public School.