Shillong, Naitung, 20: Ka BJP Mahila Morcha, Meghalaya State Unit ka la pynrem jur ïa ka kam riewkhlaw kaba ktah ïa ka hok longbriew manbriew pyrshah ïa ki arngut ki kynthei ha Manipur.
“Kane ka kam riewkhlaw ka long kum ka jingpynhiardor ïa ka ijot jong ki kynthei bad ka dei ka dak sniew ïa ka thaiñ bad ïa ka ri baroh kawei. Kum kane ka jingleh, ym tang kaba pynpang mynsiem ïa ki nongshong shnong hynrei ka pynpaw shynna ruh wat ïa ka jingshah thombor jong ki kynthei kiba shisur shidur bad ki paidbah ba bun balang kiba long ki langknia ha ki jingïakynad,” ong President jong ka BJP Mahila Morcha Meghalaya State Unit ka Kong Susuki Pariat.
“Kiba donkti ha kane ka kam bymmamn ki dei ban shah kem bad ki dei ban shah pynshitom ha ki bor jong ka aiñ,” la ong u kyrwoh.
