Jowai, Naiwieng 21 : Ka Hynñewtrep Border Disputed Redressal Forum (HBDRF) lyngba u Chairman jong ka u bah Chandame Sungoh ka pynrem jur ïaka jingleh riewkhlaw jong ki jait bynriew Karbi bad ki Police ka Jrikyndeng Police Station jong ka West Karbi Anglong District kaba la jia haka shnong Lamarang, Elaka Labang Nangphyllut kaba hap hapoh Block-1 ha kane ka 19.11.2022.
La ïathuh ba kawei na ki kynhun Balang Presbyterian na Jowai ka leit ban pynlong ïaka One-day Free Madical Camp ha katei ka shnong daka jingïoh-i jngai kala jied ïakane ka jaka kaba long ka jaka kaba dang sah dien bha ha baroh ki liang khamtam eh haka liang ka koit ka khiah. Ki para bangeit kiba don hakane ka kynhun balang bad ki nongshong shnong kiba don naki shnong ba marjan ruh kila ïawan shaka ne ka jingai jingsumar kaba shisngi dakaba khmih lynti ban ïoh ïaki dawai da shin.
Pynban tang shu sdang ka prokram ki paid Karbi kiba don haki shnong kiba marjan bad kane ka shnong kila wan ha ryngkat bad ki Police jong ka Jrikyndeng Police Station bad ki khang pyrshah ïaka ne ka jingai jingsumar daka ba aidaw ba kim pan ne ïoh jingbit naka DC jong ka West Karbi Anglong Assam.
Ka Forum ka ong ruh ba ha ka jingshisha kim dei ban khang ïakane ka kam namarba kam dei ka kam saiñ hima sima lane ka kam pud kam sam hynrei ka dei ka kam ñiam ne kam Balang bad ka jing ïarap ne leh isynei para briew khamtam sha kiba kum kine ki jaka kiba donkam haduh katta katta ïaka jingiarap.
Ka Furom ka la ong haka jingshisha kidei ban sngewthuh ïakane namar ba maki (Karbi) shato ruh kiba bun ki dei ki Khristan Presbyterian suda kiba don ruh hapoh ka Shangpung Presbytery bad Khasi Jaiñtia Presbyterian Synod mynshwa.
‘Kane ka jingleh jong ki kalah ban wanrah ïaka jingïapher jait bynriew, nama rba lada shait jia kumne mangi ki Khasi Pnar kiba don shane ngim lah ban shah jem be ban shu peit kai ïakane ka jingleh riewkhlaw jong ki. Kumta kan jia aiu ïaki pait Karbi don shane sha Meghalaya, aada ki lehbeiñ kumne te ngim banse ban kput kylla ïaki jait jong ki kiba don shane!, pynkut ka kyrwoh na u Chairman ma bad ka Secretary kong P. Pahwa jong ka Forum.
