Shillong, Nailar 30: Ka sorkar Meghalaya na ka tnad pule puthi ka pynlut T.186 klur tyngka ban siew ïa ka tulop ïa ki nonghikai ha Kolej jong ki kynhun shimet ha ka jylla baroh kawei ha ka shisnem.
Kat kum ka khubor na ka sorkar la ong ba ka jingdon ki nonghikai ha ki Kolej jong ki kynhun shimet baroh ki long 1166 ngut bad ka jingsiew ïa ka tulop ïa u wei u wei u nonghikai ha ka shisnem ïa ki nonghikai ha ki Kolej jong ki riew shimet ka long T. 46,64,352/- tyngka.
Shuh shuh la ong ba haba ïa nujor bad ki nonghikai Kolej kiba hikai ha ki Kolej sorkar ka jingsiew ïa ki ha ka shisnem ka long T.37,03,680/- tyngka, kane ka long ïa ki nonghikai kiba hikai ha ki Kolej Sorkar kiba don ha kylleng ka jylla.
