Pynlong ka National Council ka YMCA ïa ka jingïalang ban hikai long nongïalam ha Shillong

Shillong, Nohprah 01: Ka National Council jong ka YMCAs ka Ri India lyngba ka shnat ba dei peit ïa ki samla la pynlong ïa ka jingai jinghikai ban long nongïalam ïa kaba la pynlong la Shillong YMCA dang shen.
Kiba la wan ban ïa shim bynta na kylleng ka Ri India ki don 80 ngut, 32 ngut ki kynthei, kiba la wan ban ïa shim bynta ki dei na Thiruvarambu na kanyakumari Tamil Nadu, Kuriyanoor na Kerala.
Bombay YMCA, Patna, New Bedagharh na Madhya Pradesh, Ballari na Karnataka, Jalna na Chattisgarh, Vizag na Andhra Pradesh, YMCAs na Aizawl jogn ka jylla Mizoram, Dimapur na Nagaland, Jowai, Shangpung bad Nongtalang kila ïa shim bynta ha kane ka jingïalang.
U President ka National Council, Rtd. Chief Justice ka Bihar, J.B.Koshy u la wan ban ïa shim bynta kum ukongsan, la wan ban synran lang ïa u da u Youth Vice President, u Gaurav Kalyan.
U National General Secretary u Bertram Devadas bad kiwei kiwei ki nongkit kam ka YNMC bad u President ka YMCA Shillong, Most Revd. Dr.P.Lyngdoh, la pdiang burom ïa ki samla kiba la wan ban ïa shim bynta bad kane ka jingïakynduh ka long ban pynïatylli kawei ïa ka ri.
Ha ka jingkren u President ka NCYI u Justice J.B.Koshy u la pynkynmaw ïa ki samla ba ki don ïa ka kamram kaba khraw bad ki hap ban shim ïa ka jingkit khlieh ha ki kam kiba pynkham ti ïa ki, la pynkynmaw ba trei na ka bynta ka jingïatylli ka Ri ban shim ïa ka jingkit khlieh na ka bynta ka roi ka par jong ka ri India.
Ki nongkren ba kongsan ha kane ka jingïalang ki long u Dr. Andrew Ahoto, u wei na ki nongïalam u bah J R Myrboh secretary jong ka MYCA Shillong, kala don ruh ka jingpyni ïa ki sap ki phong na ki YMCA jong kiwei ki jaka.