Jowai, Jylliew 15: Shi bynta naka jingrakhe ïa ka Khet Bachao Abhiyan haka ri baroh kawei, ka Krishi Vigyan Kendra (KVK), Jaiñtia Hills kala pynlong ïaka jingleit pynsngewthuh bad ai jinghikai kyrpang sha ki nongrep ha ki lyngkha rep jong ki kiba don ha kylleng ki shnong jong ka District kaba la sdang naduh ka 1 tarik haduh ka 30 tarik u Jylliew 2026.
Ïa kane ka prokram la pynlong ha ryngkat ka ophis District Agriculture Officer, ka District Horticulture Officer, Research Officer, ATMA, Jaiñtia Hills bad kiwei de ki tnad treikam. La ai jinghikai sha ki nongrep ka District ban kim pynleit jingmut ha ka ban kyntiew ïaki rukom rep kiba lah ban pynneh pynsah ïa ka rep tynrai bad pynbha ïa ka khyndew, la pynshlur ruh ban rep khlem da pyndonkam dawai bad ban rep da ki sboh jong ka mariang.
La pynïaid ïa kane ka prokram hapoh ka jingïalam Senior Scientist & Head, ki riew shemphang bad ki nongtrei jong ka KVK.
Lyngba kane ka prokram Khet Bachao Abhiyan ba la pynlong daka KVK Jaiñtia Hills kan pynkhlaiñ shuh shuh ïa ka rukom rep tynrai jong ki nongrep ka thaiñ ha ryngkat ka jinglong ka suiñbneng haki jaka jaka, nalor ka jingbha jong ka khyndew bad ban kyntiew ïaka kam rep hapoh ka District hi baroh kawei.
