Shillong, Iaiong 29 : Ka ICFAI Univeristy ka la pynlong mynta ka sngi ïa ka jingpynkup burom ïa ki samla pule jongka kiba pass ha u 2022 ha Tura Campus. Kane ka Convocation ka dei kaba saw ba la ïadon lang ha kane ka sngi da u Myntri Rangbah ka jylla u Conrad K Sangma kum u kongsan.
Ki don haduh 544 ngut ki samla pule kiba la ïoh ïa ki degree jongki. Na kine 6 ngut ki la pyndep ïaka General Proficiency ha ka kyrdan ba nyngkong bad 18 ngut ki dei ki Silver Medal ha ka kyrdan ba ar.
U Myntri Rangbah u la ai mynsiem ïa kine baroh ki samla kiba la pyndep ïa ki jingpule jongki. U Chancellor ka University u Lt. General (Dr) Arvinder Singh Lambha ha ka jingkren jongu u la kitbok bad ai mynsiem ïa kine kiba la ïoh ïa ki degree ba kin nang kiew shalor bad kham shalor ha ki jingpule jongki.
Haba ai ïa ka jingkren pdiang sngewbha da i Dr Alicia Gatphoh iba dei i Vice Chancellor i la pynpaw ka jingsngewnguh bad yn ïai pynsah kynmaw ruh ïa kane ka jingïadon lang jong u Myntri Rangbah. I la ïoh ban pynpaw ïa ki kam ba ka University ka la leh ha kaba pyrshang ban kyntiew ïa ka pule puthi jong ki samla ha kane ka jylla bad na kiwei kiwei ki jylla ruh.
La ai ïa ka jingkren ai khublei da ka Registrar Dr Indrani B Bhuyan.
