Jowai, Nailur 21: Ka Federation of Khasi Jaiñtia & Garo People (FKJGP), West Jaiñtia Hills District ha kane ka sngi Saitjaiñ kala pynlong ïa ka 1st Open to All Knockout Cricket Tournament 2024 ha Madan Thad Nartiang.
Hashwa kane la don ka jingïalang ba lyngkot bala pynïaid da u ma D.S. War President FKJGP West Jaiñtia Hills District ha kaba u ma Wailadmiki Shylla Chairman MUDA ula long kum u kongsan ban plie pyrda ïa kane ka Tournament bad u ma Batskhem Marang bad u Evening Tron MDC kila long kum ki Symbud kongsan
Ha kane ka sngi la ïoh ïaka jingkren na u kongsan ma Wailadmiki Shylla haka jingkren jong u ula ai ïaka jingïaroh ïaka seng FKJGP, kaba la pynlong ïa kum kane ka Tournament ha kaba kiba bun na ki samla ka thaiñ na sor ne nongkyndong ki ieid tang ïaka Football katba ïaka Cricket kim da ñeiwkor.
Related Posts
Ula ïathuh pat ïaki samla ba ka jingsiew ïaki player Cricket pat kadei kaba rem bha kumta dei ban kheiñ kor ïaka jingïalehkai Cricket kum kawei naka lad kamai.
Ha kane ka sngi la wan ban sakhi da u Learning Tariang Secretary KSU West Jaiñtia Hills bad u Treibor Suchen Secretary JSU Central Body bad la ïadonlang ruh u ma Eddie Shylla President Cricket Association West Jaiñtia Hills District.
La wan ban ïalehkai ha kane ka sngi sdang Opening Match daka Megha 11 pyrshah ïa ka West Jaiñtia Police bad ïa ka nam jop lah ïoh da ka Megha 11 da kaba pynliem noh ïa ka West Jaiñtia Police da 102 run. Ha ka first inning ka Megha 11 ka lah ïoh ban kamai 257 run da kaba hap noh 7 wicket bad ha ka 2nd innings ka West Jaiñtia Police ka lah ïoh ban kamai 155 run all out.
Kum ban shu pynkynmaw yn pdiang ïaki team tang 32 tylli, ka kynhun ba ïoh rah ïaka nam jop kan ïoh 70 hajar tyngka kaba wan ba ar kan ïoh 40 hajar tyngka.