Pynliem ka Thangsning ïa ka Nongkrem, Jongksha ïa ka Laitkor ha ka (L) Jien Pyngrope Memorial FT

0

Shillong, Naiwieng 21 : Ka lympung ïalehkai ba la tip kum ka (L) Jien Pyngrope Memorial Football Tournament ba pynïaid da ka Mawkynrew Cup ka la bteng biang ha ka sngi Nyngkong ha ka jingïalehkai ha madan Jongksha.
Ka Thangsning SC ka la khur jingjop da kaba pynliem da 2-0 kol ïa ka Nongkrem SC ha ka jingïalehkai ba nyngkong katba ka Jongksha ka la pynliem da 3-0 kol ïa ka Laitkor ha ka jingïalehkai kaba ar.
Ka jingïalehkai hapdeng kitei ki saw tylli ki team ka long kaba itynnad bad ïakhaid bha da ka jingwan ban sakhi lang ki paidbah jong ka dong ka thaiñ. Ha ka jingïalehkai kaba nyngkong hapdeng ka Nongkrem bad Thangsning, ka Thangsning ka la ïoh ban thep kol nyngkong eh lyngba u Albertstar Nongspung ha ka minit ïalehkai ba 24 bad ïa ka shi kol la thep da u Joinborlang Kharumnuid lyngba ka penalty ha ka minit ba 65 jong ka kylla step.
Ha ka jingïalehkai kaba ar ha katei hi kajuh ka madan ïalehkai, u Roney Kharbudon u la ïoh ban plie pyrda nyngkong na bynta ka Jongksha ha ka jingïalehkai ba dang ïaid hynñiew minit shwa ba un thep ïa ka kol kaba ar ha ka minit ba 44 bad u Join Nongspung u la thep ïa ka kol kaba lai ha ka 52 minit.
Ha kane ka sngi la sakhi lang ruh Bah Olet Kharsahnoh uba dei u Sordar Shnong ka Shnong Jongksha, Bah Donbok Kurkalang Secretary ka PDF Mawkynrew Consti-tuency, u Bah A Rynjah President ka PDF Mawkynrew Constituency bad kiwei kiwei ki riew rangbah.

Leave A Reply

Your email address will not be published.