Shillong, Jylliew 21: Ka Meghalaya Wushu Assocïation [MWA] ka la ïoh ban pynkup burom ïa u Samla Nïawki lakai u Khun jong I (L) Mrs.Emsalon lakai bad I (L) Mr.S.Ryngkhlem ba shong ba sah ha ka shnong looksi, West Jaiñtïa Hills District ha ka jingïadonlang u Frankie Kharumnuid, Sports secretary jong ka H.Y.C.
Khyndïat haba phai sha u Samla Nïaki lakai, ba sah ha Block 4 Upper Lachaumiere, Shillong, u wan na ka ïing ka sem ka baduk, u la lah ban pyndep ïa ka Class 10 na St.Anthony’s Evening skul, nangta ïa ka Class 12 na St.Anthony’s Higher Secondary School , Shillong bad ïa ka Graduate na poh Raid Laban College.
Na ka lïang jong u Nïawki u la pynpaw ruh ïa ka jingsngewnguh ïa I Meisan jong U ryngkat bad katto katne ngut ki Phadar ka St Anthony’s ryngkat ki Nong hikai kiba ju ïarap ban kyrshan ïa U.
ïa kane ka jing pynkup burom la pynlong hadien ba u la lah ban pyndep ïa ka Diploma ha ka Wushu discipline na ka Netaji Subhash National Institute of Sport (NS NIS), Patïala, Punjab kaba shisnem kynthih, kata naduh u 2022-23.
Ka jinglah jong u ban pyndep ïa ka Diploma ka la wanrah jingkmen bad sarong ym tang ïa ka Meghalaya Wushu Assocïation hynrei ryngkat lang ïa kiba ha ing ha sem ki paralok para jor bad ïa ka thaiñ jaiñtïa hills hynrei ïa ka jaidbynriew bad ïa ka jylla Meghalaya hi baroh kawei.
Kumta na ka lïang jong ka Meghalaya Wushu Assocïation kam lah khlem da ai khublei da kaba pynkupburom ïa u bad na ka lïang jong ka synjuk ka khmihlynti ba ka sorkar jylla katkum ka sports policy jong ka kan lah ban thung kam ïa u ne u samla Nïawki ban long kum u qualified Coach jong ka state government ban lah ban ai jinghikai (traiñing) ïa ki khun samla ka jylla Meghalaya ban kham pyntbit ïalade ha ka jingïalehkai Wushu Martïal Arts kum kawei na ki Sports ka ba la ithuh da ka Indïan Olympic Assocïation bad kaba la rung ha ka lympung jong ka National Games ba ju long na ka por sha ka por.
Nalor ka Diploma, u samla Nïawki lakai u la pyndep teng ruh ïa ka course kum u Referee & Judge ha ryngkat lang bad u Bah Donny Raphael Ranee u ba long u nong ïalamlynti ïa u, ki la shah jied ruh mynta ha ka Wushu Assocïation of Indïa (WAI) ban leit ïa shim bynta kum ki Technical Officïals sha ka 9th All Indïa judo cluster Police Game ban pynlong da ka Assam Police.
Kine baroh arngut kin mih na ka jylla ha ka 23 tarik u Jylliew 2024 ban leit shimbynta ryngkat kiwei pat ki officïals na kylleng ka Ri Indïa ban pynïaid ïa ka 9th Police Game ha ka Wushu discipline competition ka ban sdang naduh ka 24 tarik haduh ka 27 tarik u Jylliew, 2024 ka ban long ha Surasujai Stadium, Guwahati, Assam.
