Shillong, Jylliew 06 : Ka KSU Seng Kmie ka lah ioh ban pynkup burom ia ki nong ïalehkai iakhun kti ne arm wrestling kiba lah mihkhmat ia ka jylla ha ka Meghalaya Arm Wrestling Association ha ka 05 tarik u Jylliew 2023.
Katei ka lympung kaba ki la leit shimbynta ka dei ka 45th National Arm Wrestling Championship ba la pyniaid da ka JK Arm wrestling Association kaba la long ha 22 tarik u Jymmang haduh ka 26tarik u Jymmang 2023, ha kaba kine ki samla ki lah ioh khur ia ka takma ksiar .
Ha katei ka jingpynkup burom la don lang u Sports & Cultural Secretary ka KSU CEC u samla Eric Nongkynrih, u Assistant Organising Secretary KSU CEC u Samla Cleenstar Shabong lem bad ki dkhot ka KSU Laitumkhrah Unit bad ka KSU Nongthymmai Circle. Ia kitei ki nong ïalehkai la wan synran lang da u coach jong ki u Samla Allan Marbaniang uba dei ruh u President ka Meghalaya Arm Wrestling Association.
