Pynkup burom ka AMKA ïa ka samla Ibahundaris Kharsyiemlieh

0

Nongstoiñ, K’lyngkot 30: Kumshi bynta ban pynshlur ïa ki khynnah samla ban pyntbit ïalade ha ka rynsan ïakura ka All Meghalaya Kickboxing Associtiation [AMKA] ha ka jingïalam jong u Bah Samuel Hahshah kum u President ka la pynkup burom ïa ka samla Ibahundaris Kharsyiermlieh ha ka jingïalang ba la pynlong ha MECOFED Hall, New Nongstoiñ.
Ka samla Ibahundaris Kharsyiermlieh ka dei na ka shnong Marangjaidoh kaba hap ha West Khasi Hills, ka dei ka samla kaba nyngkong eh na kane ka District kaba la ïoh ban rah ïa ka nam lahduh ha ka rynsan ïakura kaba la tip kum ka ‘National Kick Boxing Championship’ ha u snem ba la dep. Katei ka samla ka la ïoh ruh ïa ka kyrdan kum ka 1st Degree Black Belt bad ka la ïoh ruh ïa ka syrnod jingithuh na ka National Kick Boxing Federation.
Ha katei ka sngi la pynïaid ïa ka jingïalang da u Bah Samuel Hashah ha kaba la ïadon ryngkatlang ka Kong Balarina Syiem – District Sport Officer, kaba la shah khot kum ka Kongsan, nangta u District Forest Officer, lem bad ki khynnah kiba la ïoh ban rah ïa ka namladuh na ka lympung ïakura kaba la long ha New Delhi ha u snem ba la dep, kumjuh ruh ki kmie ki kpa jong ka samla Ibahundaris Kharsyeimlieh bad ki rangbah shnong na Maragjaidoh.
Haba ai jingkren kum ka Kongsan, ka Kong Balarina Syiem ka la ong ba kum ka Officer kaba khmih bad peit ïa ki kam ïalehkai sport hapoh ka district ka la shim khia na ka por sha ka por ban pynïoh jingïarap ïa ki khynnah kiba don sap ha ki kam ïalehkai bapher bapher.
Nalor kata ka la kdew ruh ba haduh mynta ïa ka jingïalehkai ‘Kick boxing’ ka Sorkar jylla kam pat pynrung satia ha ka thup jong ki jingïalekai Meghalaya Games hynrei kum ka ophisar kaba dei peit ïa katei ka tnad kan sa pyrshang ban pynsgew sha ka sorkar ba ka dei ban pynrung noh ïa katei ka jingïalekai ha ka Meghalaya Games ha ki snem ki ban wan.

Leave A Reply

Your email address will not be published.