Shillong, Kyllalyngkot 30: Ka Young Guns ka la lah ban pynliem ïa ka Nongthymmai scc da 60 ron ha ka jingïalehkai jong ka lympung Shillong Cricket League First Division 2024-25 jong ka Shillong Cricket Association hynne ka sngi Palei.
Ha kane ka jingïakhun hadien ba jop ïa ka toss ka Nongthymmai ka la aiti ïa ka Young Guns ba kan tied nyngkong, ha kaba kane ka kynhun ka la lah ba kan kamai 235 ron naki 40 over bad khyllem 7 wiket.
Napdeng ki nongtied kiba seisoh ki long u Rudra Singh Rathor (58 ron naki 91 bol) bad u Manthan Dey (46 ron naki 56 bol). Haba phai pat sha ki rangkawangbol jong ka Nongthymmai, u Ram nijjar u la ïoh ban khur 2 wiket naki 8 over bad ailad tang 32 ron, katba u Gaurav Narleng u la khur 1 wiket naki 7 over bad ailad tang 36 ron.
Haba pyrshang beh ïa ka thong ka Nongthymmai ka la shah khanglad noh tang na bynta 175 ron naba shah pynhap baroh 10 ngut ki wiket ha ka 37 over kaba la pynlong ïa ka kynhun ban shah rem haduh 60 ron, watla kata ruh, u Sandeep Chanda u la lah ban kamai 58 ron naki 91 bol, katba u Banialam Mylliemngap u la kamai 25 ron naki 20 bol.
Ki rangkawangbol jong ka Young Guns ba kynthup ïa u Grish Ray (8 over: shah tied 17 ron) bad u Angkit Tamang (8 over: shah tied 36 ron) ki la ïoh ban khur mar 3 wiket. Ka jingïalehkai ka la kut ha kaba ka Young Guns ka la jop suk da 60 ron bad ïa ka nam Player of the Match la khur da u Rudra Singh Rathor uba la kamai 58 ron ha ka tied bad khur 2 wiket ha ka bol.
