Shillong, Nailar 30: Ka tnad Pynroi Sor ka sorkar Meghalaya ka la dep ban pynkhreh ban pyntreikam ïa ka Mini Urban Haat ha shnong Dympep kaba hap hapoh ka jingpeit jong ka Sohra Civil Sub Division.
Ïa kane ka skhim la bei pisa lyngba ka tnad thaiñ jaiñ ka sorkar pdeng kaba la dep ban ai ïa ka jingmynjur jong ka hynrei ka sorkar jylla ka hap ban thep shuwa ïa ka bhah jong ka kaba 10% khnang ba ka tnad thaiñ jaiñ ka sorkar pdeng kan pynlait ïa ka pisa.
Katkum ka jingpynkhreh ka sorkar jylla ban shna ïa kane ka ïew, Mini Urban Haat ha Dympep ka la kot sha ka T.7.5 klur bad ka sorkar jylla ka hap ban bei 10% kaba mut ka sorkar jylla ka hap ban thep T.75 lak tyngka ban ïoh sdang ïa ka jingtrei.
Ka tnad Pynroi Sor ka la pan pisa shuh T.75 lak na ka ïing dorbar ha kane ka dorbar synrai kaba dang shu dep bad ka ïing dorbar ruh ka la pynlait ïa kane ka pisa ban thep ïa ka bhah ka sokar jylla ban ïoh sdang ïa ka jingtei.
