Shillong, Naitung 31 : Ka Myntri ka tnad ka Koit ka Khiah, Kong Ampareen Lyngdoh haka sngi Nyngkong ka la pyntip ba ka sorkar Meghalaya kala pynkhreh ban ai noh da ki ‘cashless health card’ ïa baroh ki nongtrei sorkar.
“Mynta ka sorkar ka dang pynkhreh ïa ka cabinet memo kaba thymmai ban wanrah ha ka kynhun myntri na bynta ka ‘cashless card’ ïa ki nongtrei sorkar,” ka la ong haba kren bad ki lad pathai khubor.
Ka la ong ruh ba kaei kaba jia ha ka Central Government Health Scheme la kdew ba ka sorkar pdeng ka rai da ki kyrdan kyrdan na bynta ban sumar ïa ki jait jingpang jong ki nongtrei sorkar.
Kumta ka la ong ba na bynta ka thain shatei lam mihngi jong ka ri ka sorkar India kam shym la pynthymmai ïa ka dor jong ka CGHS la slem bad dei ka sorkar Meghalaya bad kiwei ki jylla kiba kdew ïa kane sha ka Ministry bad kyrpad ban pynthymmai ïa ka dor ba thymmai jong ka CGHS,” ong ka Myntri.
