Pynkha ka HNYM ïa ka Khonshnong Unit

0

Jowai, Ïaïong 04: Ka Hynñiewtrep National Youth Movement (HNYM) sengkmie lyngba ka jingtrei shitom jong u President bad General Secretary ka HNYM West Jaiñtia Hills District ha kane ka 3 tarik Ïaiong 2023 kala ïoh ban pynkha sa kawei pat ka tnat treikam kaba thymmai ïa kaba la jer kyrteng daka HNYM Khonshnong Unit.
Ïa kitei ki nongkitkam jong ka la pyntian smai da u President Rangbah jong ka Seng HNYM Central Body u bah Louis Dohtdong, ha kaba la pynïaid ïaka jingïalang pyntiansmai da u bah Pyrkhatlang Nongphlang Vice President Central Body, la ïoh ruh ïaka jingkren kyntu kynpham na u samla Pynhun Shulet President HNYM West Jaiñtia Hills District, na u bah Samjur Suïam General Secretary HNYM West Jaiñtia Hills District, na u Secretary ka shnong Khonshnong u bah John Lakiang bad na u Rangbah Shnong Khonshnong bad la ïoh ruh ïaka jingkren ai khublei da u samla Leoferdinand Suïam President HNYM Khonshnong unit.
Ki nongialam jong ka Seng HNYM Khonshnong Unit ki long kumne President: Leoferdinand Suïam, Vice president: Shynrangheiman Passah, General Secretary: Krius Suïam, Asst General Secretary: Kutjingmut Papeng, Finance Secretary: Strongwill Lakiang, Asst Finance Secretary:Marleiki Passah, Organising Secretary: Skem Passah, Agriculture Secretary: Kamwadathmu Hadem, Publicity Secretary: Bantei Papeng, Sport Secretary: Jerming Papeng, Education Secretary: Embhah Passah lem bad dkhot ka Executive Committee HNYM Khonshnong Unit.

Leave A Reply

Your email address will not be published.