Nongstoiñ, Jymmang, 19: Ka Federation of Khasi Jaiñtia and Garo People Mawthadrishan Circle, ha ka sngi saitjaiñ ka la pynkha ïa ka tnad hapoh Nongkasen bad la pynskhem da u President ka West Khasi Hills District Bah Chandra Nongdkhar ryngkat ka jingdonlang u General Secretary ka West Khasi District Bah Wilis Syiem bad kiwei kiwei.
Na ka liang u President barim ka FKJGP West Khasi Hills District Bah Nathaniel Marshiangbai, haba ai mynsiem ïa ki dkhot u la ong ba wat la um don shuh ha ka seng hynrei ka mynsiem pat ka dang don. U da ai khublei ruh ïa baroh ki para dkhot jong ka seng naduh na Central Body bad kiwei kiwei de ki tnad ba don haduh mynta.
U President ka West Khasi Hills District Bah Chandra, u la ai ki kyntien sneng kyntiew kraw bad kumjuh ruh ban ai mynsiem khamtam ïa ka Nongkasen ba ka dang long ka unit thymmai, ba kin dang trei shitom. U la ong ba lada ngi long kiba ïa tylli kawei ngin sa kiew shaphrang. U la ong ruh ba u president bad u Secretary kin long kum ki reng, hynrei ki dkhot pat kin long ka met ban ïa trei lang bad ka shong ha ka met ban ki reng kin khlaiñ ban treikam.
Ki dkhot ba thymmai ba la ïoh pynskhem ki long Firstborn John Marngar President, Kynsai Wahlang Vice President, David Syiem General Secretary, Phai-langsius Marshiangbai Assistant Secretary, Kyrmen Syiem Finance Secretary, Batskhem Lyngdoh, Organizing Secretary lem bad 15 ngut kiwei pat.
