Mawkyrwat, Risaw 31: Namar ka jingdonkam ban pynneh pynsah ïa ka jingkhuid jingsuba bad ka jingitynnad jong ki wah duid hapoh ka South West Khasi Hills District, bad kumjuh ruh ban pyntikna ka umbam umdih kaba khuid, u District Magistrate jong ka South West Khasi Hills District, Mawkyrwat, u bah T. Lyngwa, IAS, u la pynjari da ka hukum hapoh ka kyndon kaba 144 CrPC.
Kane ka jingpynban ka long ban khang ïa ka jingplie ïa ki kharkhana kali, ki Hotels, ki Restaurant bad kiwei kiwei de kiba lah ban ktah ïa ki wah duid bad ki jaka tuid um namar ka jingpyllait ïa ki jaboh na kine ki jaka. Ïa kane ne ka hukum yn pyntreikam noh mardor tad haduh ban da pynbna da kumwei pat.
