Jowai, Jylliew 27: U District Magistrate ka West Jaiñtia Hills ula pynjari syndon daka kyndon Section 144 CrPC, kaba khang pyrshah ban khar shyiap bad ban tih maw ha shi lynter ki bynta jong ka Wah Myntdu. Kane ka hukum kala mana ruh ban sait jaiñ, sait kali, bret pathar ïaka khyndew bad ki jaboh jabaiñ sha ki bynta ka Wah Myntdu, la khang ruh ban theh kyndew sha ki bynta ka wah na ka jingpyntrei surok, shuh shuh la khang pyrshah ruh ban bret ïa ki ñiut kum ki (diapers) bad kiwei de.
Kumba long mynta ka jinglong jingman jong ka Wah Myntdu kala jaboh shaba palat nalor ka jingkhleh khyndew ka um bad kane kala ktah kumjuh ïa ka rukom sam umbam umdih ïa ka sor Jowai baroh kawei.
