Nongpoh, Lber 01: U Bah Prestone Tynsong Symbud Myntri Rangbah ka jylla u la ong ba u surok Nongpoh Umden Sonapur u dei ka surok ba donkam eh jong ki phew tylli ki shnong haka thaiñ Umden u dei kaba pynduh thiah pynduh dem ïa u ba haduh mynta u tei ka surok ka dang don hapdeng ka jingïakhun ban siang rong noh ïaka ban pynsuk ïaka leit ka wan ki paidbah bad ïakitei ki ktien u Bah Prestone u la kren haka jingïalang plie mawnongrim ban siang surok haka shnong Umsaw Nongbri ban rakhe ïaka Golden jubilee jong ka pastorate.
“Ngi kwah ba kawei pa kawei ka shnong kan poi surok bad ban pynïasoh sha kiwei kiwei ki shnong bad ka sorkar ka don ïaka thong ba ki paidbah kim donkam shuh ban ïaid kjat, hynrei baroh ki surok kin long kiba long ban ïaid kali” la ong u Bah Prestone da kaba bynrap ruh ba ka sorkar dang haka dorbar mang tyngka kaba dang shu dep kala buh thong ïaka tnad pule puthi hakhmat eh bud pat sa ka tnad PWD bad ka tnad ka koit ka khiah.
Ha kaba ïadei bad u surok Nongpoh Umden Sonapur u bah Prestone u la kular ba shen ïa u surok NUS yn siang rong noh katkum ka Standard National Highway bala mang pisa shuwa kumba 25 klur haka wat ba nyngkong (First Phase) lyngba ka Ministry of DoNER bad kaba dang sah yn mang pisa lyngba ka World Bank.
