Pyndep ka CTVS NEIGHRIMS ïa ka jingbujli valve ba la tip ka Aortic Valve neocuspidization

Shillong, Jymmang 31: Ka Department of Cardiothoracic and Vascular Surgery (CTVS), NEIGRIHMS, Shillong, da ka jingjop ka la lah ban pyndep ïa ka Ozaki procedure kaba shem jingeh bha bad kaba la tip ruh kumjuh kum ka Aortic Valve neocuspidization (AVNeo).
Haba nujor bad ka jingbujli ïa u valve ha kaba u artificial valve ba la shna na u nar ne animal tissue la pyndonkam ha ka Ozaki procedure, bad ïa ki valve ba la sniew la bujli da ki valve ba la shna pynbha biang na ki jaiñ rumal jong ki nongpang ban sop sawdong jong u dohnud. Kane ka pynduh noh ïa ka jingdonkam ka lifelong blood thinner medication. Ba la shna da u Prof. Shigeyuki Ozaki ka Toho University Ohashi Hospital, Japan, kane ka rukom treikam ka pynneh ruh ïa ka jingtreikam ba ju dei ban tied jong u dohnud, kaba pynlong suh ruh ïa ki nongpang ba dang samla ne kito kiba don ki valve kiba rit. Kine ki valve ba la shna pynbha biang ki don ka lad ban kyntiew bad ban ïaishah ïa ki jingdonkam ki jingkylla ki nongpang na ka por sha ka por bad ka pynduna ruh ïa ka jingpuid ïa u dohnud ne cardiac surgery.
Haduh mynta kawei ka khynnah ba la 10 snem ka rta na jylla Tripura bad uwei u riew rangbah ba la 69 snem ka rta na jylla Assam ki la ïoh ki jingmyntoi na kane ka rukom treikam ba la shem thymmai ha NEIGRIHMS. U Dr. Reuben L Kynta (Head, CTVS) u la ïalam ïa ka kynhun ba kynthup ïa ki doktor Sanjib Rawat, Neelamjingbha Sun, Aspari Azeez, Rajni Thabah, Priyanka Dev, Avinab Dey bad Dhayanithy M da ka jingkyrshan na ki perfusionist Mrinal Mandal bad Loosar Dkhar. Ka jingdonkam haba ïadei bad ki jingkyrshan technical na ka bynta kane ka kam kaba kyllaiñ bad kaba eh la ai da ki nongtrei technical bad ki nursing staff jong ka CTVS OT, ICU, bad ki ward ban pynthikna ba kane ka kam kan long kaba jop.
U Prof. (Dr.) Nalin Mehta, Director NEIGRIHMS u la ai khublei ïa ka kynhun halor kane ka jingsdang ban pyndep ïa kane kam kaba eh kaba la dawa da kaba pyndonkam da ka autologous pericardium ban shna thymmai biang ïa ki aortic valve cusp. U la ai ruh ka jingïaroh ïa ka kynhun halor ka jingaiti jong ki kaba khlem sangeh kaba pynthikna ïa ki lad jingïada, ki jingïaid beit ki kam, bad ki jingmih kiba jop.
U la banjur ba ka NEIGRIHMS kan ym iehnoh ban ai ki lad jingshakri haba ïadei bad ka kam sumar ïa u dohnud ha kane ka thaiñ shatei lammihngi baroh kawei. Ka Medical Superintendent Sr. Prof. A. Mishra ka la ai khublei ïa ka kynhun bad ong ba kum kine ki kam kiba eh bad kiba kyllaiñ ba la shim da ki cardiac sciences department jong ka hospital kiba la noh synniang shibun bha ïa ki kam ba ka NEIGRIHMS ka la leh.