Pynbna u DC ïa kiba lah ban aplai ïa ka khusnam Jeevan Raksha Padak Series Awards, 2023

Khliehriat, Nailar, 06: U Deputy Commissioner ka East Jaiñtia Hills District, u pyntip ba ka sorkar pdeng lyngba ka Ministry of Home Affairs ka la pynkhreh ïa kawei ka khusnam ba kyrpang, ka Jeevan Raksha Padak Series Awards 2023 na ka bynta kito ki briew kiba la leh ïa ki kam kiba radbah, kiba len ïalade ban pynllait im ïa kiba la jan ngan jyllop, kiba ngat ha ka jingjia accident, kiba ngat ha ka apot pluh ding, pluh ding electric, ha ka jinghap khyndew, kiba shah kynrup ha ki mrad bad ki kynhun pyllait im kiba pyllait im ïa kiba trei ha ki par.
La ong ba ïa kane ka khusnam yn phiah ha ki lai tylli ki bynta bapher bapher, kita ki long ka Sarvottam Jeevan Raksha Padak, kaba dei na ka bynta kito kiba leh kam shlur da kaba pyllait im ïa ki briew na ki jingma kiba shyrkhei, kawei pat ka khusnam ka dei ka Uttam Jeevan Raksha Padak, kane ka ruh na ka bynta kito kiba len ïalade bad tur ban pyllait im ïa ki briew kiba ngat ha ki jingma ba shyrkhei bad kawei pat ka khsnam ka dei ka Jeevan Raksha Padak.
Na ka liang u Deputy Commissioner u la ong ba lada don kino kino kiba briew lane ki kynhun lane ki khynhun pahara ruh kum ki Armed Forces, ki pulit bad ki Fire Service bad kiwei kiwei kiba don ïa kiba kum kine ki briew ne ki kynhun kiba la leh ïa ki kam ba radbah ha kaba pyllait im ïa ka jingim briew ki lah ban aplai ïa kane ka khusnam ; Jeevan Raksha Padak Series of Awards 2023’ bad ïa ki kyrteng jong kito ki shah jied yn phah lyngba ki password (Protected National Award Portal of the Ministry of Home Affairs), lyngba ka website (URL: www.awards.gov.in) ha ka online haduh ka 30 tarik u nailur 2023.