Pynbna u Crispin ïa ka thup kyrteng ki kynthei India na bynta ka AFC Asian Cup Qualifier 2026

NEW DELHI, ïaïong 19: U Crispin Chettri, uba dei u coach jong ka kynhun ïalehkai phutbol ki kynthei jong ka ri India, ha ka sngi Saitjaiñ u la pynbna ïa ka thup kyrteng jong ki 39 ngut ki thei ïalehkai phutbol kiba lah ban mihkhmat ïa ka kynhun.
Ka Blue Tigresses (India) kan sa ïakhun ïa ka lympung ïaknieh rung (Qualifiers) sha ka AFC Women’s Asian Cup 2026 ha Chiang Mai, Thailand, naduh ka 23 tarik u Jylliew haduh ka 05 tarik u Naitung.
Ka kynhun ïalehkai jong ka ri India ka la shah pynïakap hapoh ka Group B, ha kaba kan aireng pyrshah ïa ka Thailand, Mongolia, Timor Leste, bad Iraq.
Ka prokram pynkhreh jong ka kynhun kan sdang ha ka 01 tarik u Jymmang, 2025, ha ka Padukone-Dravid Centre for Sports Excellence ha Bengaluru.
Ki kynhun ha ka Group A ki kynthup ïa ka: Iran, Jordan, Lebanon, Singapore, bad Bhutan, bad ki jingïalehkai yn sdang naduh u 23 tarik Jylliew ha Jordan. Ka Group C ki kynhun ki long Myanmar, Bahrain, Bangladesh, bad ka Turkmenistan kiba ïaknieh ïa ka jaka na bynta ka wat ïakhun kaba bud. Ka jingïalehkai kaba nyngkong kan long ha ka 29 tarik Jylliew. Ha ka Group D ki kynthup ïa ka Chinese Taipei, Indonesia, Kyrgyzstan, bad ka Pakistan, ryngkat ka Indonesia ka ban pynlong ïa ki jingïalehkai naduh ka 29 tarik Jylliew.
Ki hynriew tylli ki kynhun ba kynsai tam ha ka AFC Women’s Asian Cup ban long ha Australia ha u snem 2026 kin ïohrung sha ka FIFA Women’s World Cup ban long ha Brazil ha u snem 2027.
Ki kyrteng jong ki thei ïalehkai kiba lah ban mihkhmat ha kane ka AFC Women’s Asian Cup 2026 Qualifiers ki long:
Goalkeepers: Payal Basude, Elangbam Panthoi Chanu, Keisham Melody Chanu, Moirangthem Monalisha Devi.
Defenders: Purnima Kumari, Phanjoubam Nirmala Devi, Martina Thokchom, Shubhangi Singh, Sanju, Malati Munda, Toijam Thoibisana Chanu, Sorokhaibam Ranjana Chanu, Ngangbam Sweety Devi, Viksit Bara, Hemam Shilky Devi.
Midfielders: Kiran Pisda, Nongmaithem Ratanbala Devi, Muskan Subba, Lisham Babina Devi, Karthika Angamuthu, Cindy Remruatpuii Colney, Sangita Basfore, Priyadharshini S, Baby Sana, Santosh, Anju Tamang.
Forwards: Mousumi Murmu, Malavika P, Sandhiya Ranganathan, Soumya Guguloth, Sulanjana Raul, Lynda Kom Serto, Rimpa Haldar, Manisha Naik, Renu, Karishma Purushottam Shirvoikar, Sumati Kumari, Manisha Kalyan, Grace Dangmei.