Nongpoh, Lber 13: U CEM ka KHADC u Bah Pynïaid Sing Syiem haka jingïakynduh bad ki Rangbah Shnong ka Ri-Bhoi hapoh ka lama ka Synjuk ki Rangbah Shnong u la pynbna ban ai syndon 25 lakh naka liang ka KHADC sha ka Synjuk ki Rangbah Shnong naka bynta ban shna ïaka ophis treikam ba pura namar kumba long haduh mynta ka Synjuk kam pat don satia ka jaka treikam kaba pura.
Halor katei ka jingpynbna u CEM ïaka song pisa kaba 25 lakh naka liang ka Synjuk ki Rangbah Shnong kala pynpaw ka jingsngewkmen kaba khraw bad ka jingsngewnguh ïa u CEM ka KHADC u ba la kloi ban pdiang ïaka jingkyrpad jong ka synjuk bad kyrmen ba shen kin sa sdang noh ïaka kam naka bynta ka jingbit jingbiang jong ka jingtreikam ka Synjuk ki Rangbah Shnong.