Khliehriat iaiong 29: U Deputy Commissioner uba dei ruh u Chairman, District Disaster Management Authority (DDMA), East Jaiñtia Hills District ha ka jingpyllait khubor mynta ka sngi u la pynbna ïa ki phone number ba ki paidbah kim dup phone lane pyntip lada jia ba ki donkam kano kano ka jingiarap ba kyrkieh lane lada don kino kino ki jingjia kiba na ka daw ka jinglong jingman ka suiñ bneng.
Khnang ba ka District Disaster Management Authority (DDMA) jong ka district kan dup lah ban ai ki jingiarap ha ka por ba biang lada don kano kano ka jingjia kaba lah ban don ka jinglynshop mariang kum ka jinghap slap ba jur, ka jingbeh lyer ba jur, ka jinghap kyndew kaba ktah ïa ki briew, ka (DDMA) ka pynbna ïa ki helpline number ba ki nongshong shnong ki lah ban phone lada donkam jingiarap kyrkieh ki lah ban phone sha ka District Emergency Operation Centre ha u number 1077 lane ha u number 96129-86832 ne sha Police Control Room ha u number 112/100, Fire and Emergency Service, number 101 bad sha ka tnat Health and Emergency Service ha u number 108.
Kiba donkam jingiarap kyrkieh ki lah ruh ban phone ha u number jong u Additional Deputy Commissioner & CEO, DDMA (70051-70039), Additional Deputy Commissioner, Relief Branch (81199-70336), District Disaster Management Officer (87948-09841) bad Block Development Officers jong ka Wapung (70058-77634), Saipung (96121-06744), Lumshnong (96152-81169) C&RD Block.
Ki bor district ki kyntu ïa ki paidbah ba ki dei ban long phikir bha ha kine ki por ba jur u slap bad dei ruh ban pyntip kloi kloi lada donkam ki jingiarap ba kyrkieh da kaba phone ha kitei ki number.
