Pyllait u MR ïa ka Digital Lottery ba nyngkong hapoh ka ri India uba jop nyngkong un ïoh 50 klur

Shillong, Nailur 10: Ka sorkar jylla ka la pynbna mynta ka sngi ba ka la plie ïa ka EasyLottery.In, kaba dei ka digital lottery ba nyngkong ha India ha ka jingdonlang u Myntri Rangbah ka jylla u Conrad Sangma, u Pravin Bakshi (IAS), Commissioner & Secretary-ERTS, Meghalaya State; ka M. S. N. Marak, Director ka Meghalaya State Lottery bad kiwei ki heh ki haiñ. Ha kane ka prokram la pynim ruh ia ka website https://easylottery.in/ . Ha kane ka Loterry kiba jop ba nyngkong ka khusnam ka dei INR 50,00,00,000/-, (fifty crores) EasyLottery.in kaba kular ïa ka jingpynkylla ha kaba ïadei bad ka jingai ïa ka lottery kaba khuid ba suba; naduh ka por ba thied ïa ki ticket shaduh ka por ba sam ïa ki khusnam.
U Conrad Sangma u la ïaroh ïa ka jingplie ïa kane ka lottery kaba wanrah ïa ka jingkhuid jingsuba bad ka jinglong kaba biang ha kaba ïadei bad ka bynta jong ka kam lottery. U Sangma u la ong ruh ba naba kane ka lottery ka dei ka jingïalehkai jong ka jingkylla, kaba dei ka transparent digital option kum ka EasyLottery kaba shah ïa ki riew shimet bad ka jingmyntoi ïa ka imlang sahlang. Bun na ki nong India ki la pynlut ïa ki por ba kordor ha ki online game bad ki betting apps kiba beaiñ kiba la pynwandur da ki briew kiba kyrni. Kumta ha kane ka bynta kam don ka ïapeiñ haba ïadei bad ki jingsngewtynnad bad ka jingmyntoi ïa ka imlang sahlang. U Myntri Rangbah u la pynthikna ba kane ka EasyLottery la pynwandur ban pynlong ym ban pynpait pynpra. “Haba phi jop phin lah ban ïoh ka jingmyntoi na ka, bad lada phi rem ki khajna ba la siew ha ka, kan rung biang sha ka imlang sahlang bad ka jingmyntoi ïa ka ri,” u la ong.
Haba kynthoh halor kane ka jingplie, na ka liang ka M. S. N. Marak ka la ong, “Wat hapdeng ka jingdon bun ki nongshong shnong bad ba kadei kawei na ki ri kaba la kiew ha ki kam digital ha ka pyrthei, ka India ka dangsah shadien haba ïadei bad ka kam lottery haduh mynta. Da ka jingplie ïa ka EasyLottery, ngi pyrshang ban pynïasoh ïa kaei kaba thylli. Ka jingdie ïa ki ticket jong ngi, ka jingsiew ïa ki prize bad ka jingsiew khajna yn leh da ka digital.”
“Da kane ka EasyLottery, ngi pynleit jingmut ha ki 3 tylli ki bynta, ka jingshaniah, ka jingkhuid jingsuba bad ka jinglong aiñ. Ngi wanrah ïa kane sha ki nongshong shnong ka ri hadien ki jingwad bniah kiba biang. Kane ka rynsan kaba thymmai kan pynkylla ïa ka rukom pynïaid lottery ba la ju ïalehkai ha India, bad kan pynduh jait ïa kano kano ka kam bam sap ne ka jinglait tuh ka pisa kiba don jingïadei bad ka lottery sector. Kane ka EasyLottery kan buh ïa ka imlang sahlang bad ïa ki nongshong shnong hakhmat duh, khlem da ïapeiñ bad ki kam na ka bynta ka lottery bad ki jingmyntoi na ka bynta ka sorkar,” bynrap u Pravin Bakshi.