Shillong, Lber 08: U nongtem ba pawnam ka jylla u Bah Lou Majaw ha ka sngi u la pyllait paidbah ïa ka kot poitry ïa kaba la thoh ha ka ktien phareng ba la jer kyrteng ‘Brittle’ kaba la thoh da ka Kong Riniki Chakravarty Marweiñ.
Ïa kane ka kot la pyllait paidbah ha ka jingïalang ba la pynlong ha Dylan’s Café Shillong ha ka jingdon lang kiwei ki nongthoh kot, nongthoh jingrwai bad ki nongput nongtem kiba paw jong ka jylla.
Haba kren ha kane ka sngi ka kong Riniki Chakravarty Marweiñ kala ïathuh ba ïa kane ka kot poetry ‘Brittle’ la thoh haka por ba wan jia ka khlam covid-19 bad lyngba ka jingai mynsiem na ki bahaïing hasem ka la pynleit jingmut ban pyndep ïa kane ka kot poetry.
Ka kong Riniki kala ong ba kane ka kot poitry ‘Brittle’ kadei ki khana lynkot ha ki dur ki poitry kiba ïadei bad ki jinglong khynnah, ha ïing ha sem, ki jingieid, ki jingduhnong bad ki jingkynmaw bad kumno ka leh haba wan ki jingeh haka por ka khlam Covid-19.
