Pyllait im ka longkmie ïa ka 700 ngut ki riew paidbah da kaba siat ïap 25 ngut ki Hamas

Tel Aviv, Risaw 12: Wat lada ka Israel ka la ïam briew, ka la shah beiñ namar ka jingïoh rung suk ki lehnoh Hamas ha ka sngi Saiatjaiñ, hynrei la don kawei ka longkmie,kaba kyrteng ka Inbar Liberman kaba da ka jingshlur jong ka, ka la lah ban pyllait im ïa ki paidbah jong ka Shnong ban ïakhun ïa ki Hamas bad ïoh siat ïap ruh 25 ngut ïa ki.
Ki khubor na kylleng ka pyrthei ki ïathuh ba kane ka longkmie kaba dang 25 snem ka rta, kaba trei kum ka Security Coordinator jong ka Shnong Kibbutz Nir Am kaba jngai tang kumba 1 Kilometer ha khappud bad ka Gaza, haba la tip ïa ka jingwan hiar thma ki Hamas, kala lum ïa ki 12 ngut ki Security Volunteer bad khuk khak ka la sam suloi ïa ki ban ïakhun pyrshah ïa kine ki lehnoh. La ïathuh ba ka jingïakhuh kaba la neh saw kynta, ka Liberman marwei ka la ïoh siat ïap 5 ngut ki lehnoh bad kiwei pat ki paralok jong ka, ki la ïoh siat ïap 20 ngut.
Lyngba kane ka kam shlur jong kane ka longkmie bad ki paralok jong ka, la lah ban pyllait im ïa ki 700 ngut eiei ki nongshongshnong jong kane ka Shnong na ka kti na runar jong ki lehnoh Hamas.
Ki shipai Israel bad ka ri Israel ki la aiam ai burom ïa ka Liberman bad ki 11 ngut ki paralok lok jong ka.