Jowai, Jylliew 28: Ka lympung ïalehkai phutbol jong ki khynnah skul ka ‘District Level Inter School Subroto Mukherjee Cup Football Tournament – 2023’, bala pynïaid da ka ophis u District Sports Officer (DSO) West Jaiñtia Hills District, Jowai kaba la long ha Kiang Nangbah Stadium, Dongmihsngi Jowai.
Haba phai sha ka jingïakhun Pre Quarter kaba la long mynta ka sngi 28 tarik ha ka kyrdan Under-14 (Boys), ka Marian Hill H/S School kala lah ban pynliem da 2-0 kol ïa ka All Saint Diocesan Sec. School. Ka H.K Singh Memorail Sec. School kala jop da 2-1 kol ïa ka David Lois Rees Memorail School.
Ka Laishnong H/S School kala pynliem da 2-1 kol ïa ka Riwar Jaiñtia C.O.G Sec. School. Ka Ialong Sec. School kala pynliem da 3-1 kol ïa ka Jowai Govt. U/P & RMSA School da ka jingïashut Tie breaker. Katba ka Lumpyrtuh Sec. School kala pynliem da 2-1 kol ïa ka Ummulong Presbyterian H/S School.
Ha ka jingïakhun Quarter Final jong ka U-17 (boys) mynta ka sngi ka Saw lyngdoh H/S School kala pynliem da 1-0 kol ïa Ka Syiem Jingsuk Sec. School.
Lashai ka sngi 29 tarik yn sdang ka jingïakhun Quarter Final jong ka kyrdan U-17 ki khynnah kynthei bad ka U-14 ki khynnah shynrang
