Poi haduh 200 tam ki heprit rit na ki shnong ka thaiñ Mawkyrwat ban iashim bynta ha ka Children Sports & Games
Mawkyrwat, Jymmang, 29: Ka ophis jong u District Sports Officer, South West Khasi Hills District ryngkat ka jingïatreilang bad ka District Administration, South West Khasi Hills District mynta ka sngi ka 28 tarik u Jymmang, 2022 ka la pynlong ïa ka lympung ïalehkai na ka bynta ki hep kiba rit khynnah shynrang bad kynthei kiba hapoh ka karta 12 snem ne ka Children Games ba la pynlong ha madan Artificial Turf, MDSA, Mawkyrwat.
Ïa kane ka lympung jingïalehkai la pynlong kum shibynta jong ka jingrakhe ïa ka jingdap 50 snem jong ka jingïoh ïa ka jylla ba pura bad ka jingdap 75 snem jong ka jingïoh jinglaitluid jong ka Ri India.
Ha kane ka sngi la ïoh ban pynïalehkai haduh 4 tylli ki jaid jingïalehkai kata ka jingïakop mareh shamoit (Spoon Race), jingïakop pynpait-balun (Blasting Balloon), jingïakop ïa knieh shuki (Musical Chair) bad jingïakop ïadur syiar (Cock Fight) ha kaba la ïa shimbynta shitrhem naduh ki khynnah shynrang bad kynthei.
Ha kaba kut jong ki jingïalehkai la ïoh ruh ban sam ki jingaisngewbha na ka bynta ki nongjop kiba wan ha ka kyrdang ba nyngkong, ba ar bad ba lai. Ki nongjop ha ka jingïamareh shamoit (Spoon Race) ha ka Sub – Junior jong ki kynthei ki long ka Kressen Syiemlieh, ka Banrisha Thongni bad ka Lisha Paliar, ha ka Junior pat ki long ka Resheltyful Lyngdoh Marshilong, ka Icydora Syiemlieh bad ka Lalanangbha Kharlyngdoh. Katba ki Sub – Junior jong ki khynnah shynrang ki long u Rabison Thyrniang, u Edison Kharraswai bad u Juvinial Tongwah, nangta ki Junior pat ki long u Biangborlang Wanniang, u Franlyjohn Wanniang bad u Rockyson Sohphoh.
Ki nongjop ha ka jingïakop pynpait-balun (Blasting Balloon) jong ki kynthei Sub – Junior ki long ka Phibansuk Kharlyng-doh, ka Dakmenshisha Jyrwa bad ka Haphilakmen Syiemlieh, katba jong ki kynthei Junior ki long ka Resheltyful Lyngdoh Marshilong, ka Sanijaijai Lyngdoh bad ka Rikynti Kharjahrin. Nangta, jong ki khynnah shynrang Sub – Junior ki long u Dame-wanshwa Kharraswai, u Batskhemlang Kharbani bad u Teiborlang Iaw-phniaw, katba jong ki khynnah shynrang Junior ki long u Mebanteibha Kharlyngdoh, u Kelvin Enderson Kharraswai bad u Jerry Lyngdoh.
Ki nongjop ha ka jingïakop ïa knieh shuki (Musical Chair) jong ki kynthei Sub – Junior ki long ka Phibansuk Kharlyngdoh, ka Ribanylla Kharraswai bad ka Filaris Thongni, katba jong ki kynthei Junior ki long ka Risheltiful Lyngdoh Marshilong, ka Larisiewdor Syiemiong bad ka Baialin Khardewsaw.
Ha ka jingïakop ïadur syiar (Cock Fight) jong ki khynnah shynrang Sub – Junior ki long u Jubert Jeckle Syiemlieh, u Lambok Kupar Marngar bad u Daryl Syiemlieh, katba jong ki khynnah shynrang Junior ki long u Namebantei Lyngdoh Rngaid, u Robertson Marweiñ bad u Jerry Lyngdoh.
U bah Damang Syngkong, District Sports Officer, South West Khasi Hills District ha shwa ban pynkut u la ïoh ban ai ki kyntien jingkyrkhu kyrdoh bad jingaikhublei na ka bynta baroh ki khynnah kiba la wan ban ïashimbynta ha kane ka lympung namar ka la long ka jingïalehkai kaba jop.