Nongpoh, Naitung 03: Uwei u samla bala tip kyrteng kum u Kevin Lumlang M Khonglam dang 24 snem ka rta u la sdang ban plie ïa kawei ka dukan dawai bala ai kyrteng Glory Pharmacy ha Umsning Proper A hadien ba u la pyndep ïaka jingpule bad pyntbit ha katei ka lain na Assam Down Town University.
Ïa katei ka dukan dawai la wan ban plie paidbah da u Dr. C Lyngdoh MLA ka Umsning kum u kongsan bad la wan ruh ban kyrkhu kyrdoh da u Fr. Pius Shadap haka jingdonlang u Bah Rocky Marweiñ Rangbah Shnong Umsning Proper B, Bah Glory Marweiñ bad ka kong Theressa Khonglam kiba dei u kpa bad kmie jong utei u samla ryngkat ki bahaiing hasem.
Naka liang u Dr. C Lyngdoh u la pynpaw ka jingsngewkmen halor ka jinglah utei u samla ban plie ïa katei ka dukan dawai da ka jingkyrshan jong ki kmie ki kpa bad khmih lynti ba katei ka dukan dawai kan ai ka jingshakri ïaki paidbah ka dong ka thaiñ ha kaba ïadei bad ka jingdonkam ki paidbah.
