Shillong, Nailar 07: U Myntri Rangbah ka jylla u Conrad K Sangma, mynta ka sngi Balang, u la plie paidbah ïa ka Art Auditorium ha Block-E jong ka Royal Global University.
ïa kane ka Auditorium la plie ha ka jingiadon lang u Ashok Kumar Pansari, Chancellor, Staff & Non teaching staff bad ki samla pule jong ka Royal Global University.
Ha ka jingkren jong u Myntri Rangbah u la ong ba u dei uba ngeit skhem ha ka roi ka par bad ka pule puthi bad u la ong ruh ba ki jingtei bad ki jingdon jingem kiba don ha Royal Global University ki long ki bym kai shuh.
U la pynksan shuh shuh ïa ka jingwad bniah bad jingpynroi ka ban wanrah ïa ka jingpynthymmai, kane ka jingwad ïa ki lad ki lynti na ka bynta kiba bun ki jingeh kiba ka thaiñ ka ïakynduh bad khatduh eh ka Ri bad ka pyrthei baroh kawei.
“ Ka la dei ka por ba ngi kum ka thaiñ ngin kiew sha ka jingïaleh bad ban long ki nongïalehkai ba kongsan ha kiba bun ki bynta ha ka ri bad ka pyrthei bad ban ym don shuh ïa ka jingmut jingpyrkhat kum ki nongshah lehbeiñ. Ngi dei ban noh synniang da kaba bha sha ka jingbha jong ka imlang sahlang bad nga ngeit ba ki samla ki long kiba kongsan sha kane ka jingkylla.”
ïaka prokram la pynkut lyngba ka jingïakren hapdeng u Conrad bad ki samla pule jong ka kolej.
