Plie u Myntri Rangbah duh ïa ka ‘Swarnim Gujarat Sports University’ ha Desar

0

Shillong, Risaw 03 : U Myntri Rangbah Duh ka ri, Narendra Modi u la plie ïa ka “Swarnim Gujarat Sports University” ha Desar kaba long katkum ka juk mynta. U Myntri Rangbah Duh u la ai jingkren ruh ïa ki nongïalehkai na kylleng ka ri kiba ïashim bynta ha kane ka National Games.
Ha ka jingai jingkren jong u, u Myntri Rangbah Duh u la ong ba ka jingsngew ha kane ka jingplie ïa ka National Games ka dei ka bym lah ban batai. U la ong ba ka jingshongshit jong kane ka lympung kaba heh haduh katne katne ka dei ka bym lah ban batai.
Palat 7000 ngut ki nongïalehkai, palat 15000 ki nongïashim bynta, palat 35000 tylli ki kolej, ki skul bah bad ki skul bd ka jingïasoh jong palat 50 lak ngut ki shah hikai bad ka National Games ka dei kaba kyrpang bad ka bym pat ju jia mynshuwa, u la ong.
“Ha ka madan ïalehkai kaba heh tam ha ka pyrthei, ka ri kaba dang shen, ha ka lympung ïalehkai kaba heh tam ha ka ri Haba ka lympung ka long kaba itynnad bad kaba kyrpang kumne, ka mynsiem ruh ka dei ban long kaba kyrpang,” u la ong.
U la kren ïa ki ktien kyrpang jong ka National Games Anthem ‘Judega India – Jeetega India’ ïa kaba la pynbud da baroh kiba don ha kane ka madan ïalehkai. U la ong ba ka jingskhem jingmut kaba ïohi ha man ka dur khmat ka dei kaba wan shuwa ïa ka lawei kaba phyrnai jong ki kam ïalehkai jong ka India.
U la ïaroh ruh ïa ka jinglah jong ki briew ka Gujarat ban pynlong ïa ka lympung kaba heh kat kane ha ka por kaba khim.

Leave A Reply

Your email address will not be published.