Plie u MR bad CJ ïa ka ïing bishar ha Ampati

0

Ampati, Nohprah 11: U Myntri Rangbah ka jylla u Conrad K Sangma ryngkat u Chief Justice ka Meghalaya High Court u Justice Sanjib Banerjee ha ka sngi u Blei ki la plie ïa ka ïing bishar ba thymmai jong ka District and Session Court Complex ha Ampati jong ka South West Garo Hills ha ka jingïadon lang ki MLA ba kynthup ïa ka Dikkanchi D Shira bad u Winnerson D Sangma.
Haba kren ha kane ka sngi u Myntri Rangbah u la ong ba ka ka jinglah ban plie ïa kane ka ïing ba thymmai jong ka ïing bishar kan dei ka sngi sah kynmaw ïa ki paidbah ka South West Garo Hills namar ka jaka ba kin leit ban ïoh ïa ka jingbishar ba hok ka la nang jan sha ki.
U la ong ba katkum ka Riti synshar ka ri ka la kdew shai ïa ka jylli treikam ka ïing dorbar thaw aiñ, ka sorkar bad ka ïing bishar ba kin ai jingshakri ha la ki bynta bynta ïa u paidbah kat kum ka jingpynkup bor ba ki la ïoh.
“Nga kyrmen ba kane ka jingïoh ïa ka ïing bishar kaba thymmai kan nang pynsted ïa ka jingtreikam bad kan lah ruh ban pynsuk ïa ki nongbishar ban pynkut kloi ïa ka jingbishar ïa ki mokotduma,” u la ong.

Leave A Reply

Your email address will not be published.