Plie u bah Metbah Lyngdoh ïa ki maw nongrim ban tei ïa saw tylli ki projek ha Pyndengumïong

Nongstoiñ, Jylliew 04 : Ha kane ka sngi palei ka 4 tarik Jylliew u bah Metbah Lyngdoh MLA ka mairang constituency uba bat ruh kum u Myntri ka sorkar jylla uba dei peit ïa ka tnad bording bad Water Resources u la hiar sha shnong Pyndengumïong (Mairang) Eastern West Khasi hills district ban plie ïa ki maw nongrim na ka bynta ban shna ïa ki saw tylli ki projek.Ha katei ka sngi la pynlong ïa ka jingïalang ha Tirotsingh Memorial hall ha kaba la ïadon lang da ka kong Anita Kharpor IAS Deputy Commssioner ka Eastern West Khasi Hills, Bah Equator Nongrang MDC ka Mairang Constituency u paiem PM.Syiem u Syiem ka hima Nongkhlaw ki ophisar na ki tnad trei kam jong ka sorkar bad ki paitbah jong ka shnong Pyndengumïong.
Kitei ki sa wtylli ki projek ba u Myntri u la plie ki long ka jing tei ïa ka football playground VIP sitting gallery kaba la mang pisa kumba 6,44 klur tyngka, ka skul building ha Langsitiehrim kaba la mang pisa kumba 70,18 lakh, Government Lower Primary school building Pyndengumïong kaba la mang pisa kumba 70,18 lakh bad ka jing pynbha ïa ka Tirotsingh Memorial hall kaba la mang pisa kumba 12 lakh.
U bah Metbah Lyngdoh haba ai jingkren ha katei ka sngi u la kyntu ïa ki paitbah ba kin ai ka jingïatreilang ha baroh ki bynta bad kina ai ka kti kamon ka diang ban trei na ka ïa kajingmyntoi na kabynta ki paitbah nongshong shnong hapoh ka district .Ha kajuh ka por u kyntu ïa ki nongshong shnong ba kin sumar khuid ban ñiewkor ïa ki kam kiba ka sorkar ka la ai namar kiei kiei baroh kiba ka sorkar ka la ai ki long na ka bynta ka jingbha jong ki paitbah nongshong shnong .