Phra ngut ki MLA barim ka UDP ki la aiti da ka jingthoh sha u Lamphang ka ïingdorbar thaw aiñ ka jylla

Shillong, Nailur 25: Ki phra ngut ki MLA barim jong ka seng UDP (United Democratic Party (UDP), kiba la ïasoh dang shen bad ka seng Bharatiya Janata Party (BJP), ha ka sngi Thohdieng ki la aiti ïa ka shithi sha Meghalaya Legislative Assembly da kaba pyntip ïa ka ïing ba ki la pynïasoh sha ka seng BJP.
Ha ka jingdonlang u Lamphang ka ïingdorbar thaw aiñ u Thomas A. Sangma, uba don mynta sha study tour, hynrei u la ïathuh ba ïa kane ka shithi la aiti sha u Dr. Andrew Simons, Adviser (Legislation) Meghalaya Legislative Assembly.
Kine ki nongthaw aiñ la synran lang da u BJP State President u Rikman G. Momin bad u MLA ka BJP u Bah Sanbor Shullai.
Haba kren sha ki lad pathai khubor hadien ba la ïohpdiang ïa ka shithi u Dr. Simons u la pynskhem ba baroh ki 8 ngut ki MLA ki la aiti ïa ki shithi jong ki sha u Lamphang ka ïing dorbar thaw aiñ bad kam ruh ba ki la pynïasoh bad ka BJP.
U la ong ba na ka liang ka Assembly Secretariat kan khmih ïa kane kam bad na ka liang jong u Lamphang ruh un pynmih ïa ka hukum halor kane ka bynta kiba long katkum ki kyndon jong ka aiñ.