Shillong Risaw 17: U Thomas A. Sangma uba dei u Lamphang jong ka ïingdorbar thawaiñ ka JyllaMeghalaya , ula ai ka jingiathuh ïa ka jingleit pynïasoh ki 8 ngut ki MLA ka United Democratic Party (UDP) sha ka seng Bharatiya Janata Party (BJP).
U Secretary ka Meghalaya Legislative Assembly, ha ka jingpynbna ha ka 16 tarik u Risaw, ula pyntip ba u Lamphang ka ïingdorbar ula ai jingithuh (Recognised) ïa ki 8 ngut ki dkhot jong ka United Democratic Party Legislature Party kiba kynthup ïa u Bah Lahkmen Rymbui, Bah Pius Marwein, Bah Kyrmen Shylla, Bah Mayralborn Syiem, Bah Matthew Beyondstar Kurbah, Bah Ollan Singh Suin, Bah Balajied Kupar Synrem bad u Bah Synshar Kupar Roy Lyngdoh Thabah kiba la leit ban pynïasoh bad ka Bharatiya Janata Party (BJP) hapoh jong ka Paragraph 4 jong ka Tenth Schedule jong ka riti synshar ka ri India.
Namar katei hajrong, kumta ka jingdon paid ka United Democratic Party Legislature Party ha ka Meghalaya Legislative Assembly kala long noh 4 ngut katba ka Bharatiya Janata Party Legislature Party kala don noh 10 ngut.
Kane ka jingai jingithuh u Lamphang ïa kine ki phra ngut ka long ruh kumba u la kyntait ïa ka jingdawa u President ka UDP u Bah Metbah Lyngdoh ban mait kyrteng ïa ka jinglong MLA kine ki phra ngut.
