Nongpoh, Nohprah 23: Ki nongthoh khubor na Ri-Bhoi District kila pynpaw ka jingkyndit ba khraw halor ka jingkhlad noh jong u Bah Ronald Syiem u ba dei u para nongthoh khubor u ba trei ruh bad u Shillong Times na Nongstoiñ u ba khlad kyndit hynne ka step hadien ka jingshitom kaba la neh kumba katto katne por.
Kum ka kynhun ki nongthoh khubor na Ri-Bhoi ki dap da ka jingkyndit kaba khraw ban iohsngew ba u Bah Ronald Syiem um don shuh ha kane pyrthei namar ka jingban jong ka jingshitom haka met, bad ka jingkhlad noh jong u Bah Ronald ka dei shisha ka jingduhnong kaba khraw namar udei uwei naki nongthoh khubor uba don ka mynsiem ka jingïatreilang bad ki para nongthoh khubor ba u ba la shakri kham slem haka kam.
Naka liang ki nongthoh khubor na Ri-Bhoi ka phah ruh ka kyrwoh sngewlem ïaka iing ka sem baroh kawei jong u Bah Ronald Syiem naduh ka lok bad ki khun ki kti, ryngkat ki jingduwai ba u Blei nongbuh nongthaw un pyntngen bad ri sumar ïaka iing ka sem watla ki mad ïaka jingkthang ka mynsiem halor ka jingduh noh ïa u rishot ba skhem jong ka iing bad u Blei un ai ka jingjahthaid ba junom ïa u Bah Ronald.
