Jowai, Naitung 02: Ka Society for Urban and Rural Empowerment (SURE) ha kane ka sngi saitjaiñ kum ka jingpdiang sngewbha ïaka lehñiam Behdieñkhlam, kila pynlong ïa ka jinglehkmen ha H.K. Singh School, Jowai da ka jingïashim bynta lang jong ki nongtrei ka SURE.
Na ka liang u Rev. Dr. H.H.Mohrmen Secretary ka SURE ha ka jingkren ula ong hapoh kane ka kynhun jong ki ki don ïa ki nongtrei na ki jait ñiam bapher bapher, kumta ka donkam ban ïashim bynta ban lehkmen ïa kino kino ki jait ñiam.
U ma K. Pakma President of SURE ula ong ba kawei ka nongrim jong ka Balang ka dei ban burom kylliang ïa baroh ki jait ñiam, kumta kila juh rakhe ïa ki kiwei de ki sngi lehkmen kum ka Christmas, Behdieñkhlam bad ka sngi Unitarian Anniversary manla u snem.
U dkhot ka Seiñ Raij, Jowai u Ma Kamnipaia Challam, u la batai shaphang ka lehñiam Behdeiñkhlam kaba ki khot ‘ki saw sngi lai miet’, da kaba ula ong ruh ba ïa kane ka lehñiam ka sdang ïa ka naduh u bnai Lber manla ka snem ïa kiba la ju leh naduh ki longshwa manshwa.
Hadien kane la pynlong ïa ka jingduwai ainguh bad ot ruh ïa u cake.
