Pdiang ka BJP Meghalaya ïa ki sienjam ba la shim ka sorkar pdeng halor ka jinglait tuh ki jingkylli
Shillong, Naitung 21: Ka jingbym lah shah jong u PM Modi ïa ka jinglait tuh jong ki jingkylli jong ka NEET, la kyrshan da ki jingkem, ki aiñ kiba kham khlaiñ, bad ka jingpynbeit kaba stet ka pyni ïa ka jingïapher ha ka por jong ka UPA, ha kaba ki mih ka jingleh bakla ha ki eksamin ka ba ju jia man ka por bad ki jingleh thok ha ka jingthung kam la ju mih ki jingkynthoh kiba slem bad ka jingsuki ban pynsangeh.
Haba kyrshan u General Secretary ka Bharatiya Janata Party Meghalaya u Bah Wankitbok Pohshna ha ka kyrwoh khubor u la ong ba ka Bharatiya Janata Party Meghalaya ka pdiang sngewbha ïa ki sienjam ban pynbeit bad pynskhem ba ka Sorkar Pdeng ka la shim ïa ka nongrim kaba khlem pyndem halor ka jinglait tuh ki jingkylli jong ka NEET dang shen.Ka Sorkar ka la kren shai khlem jingartatien ba kito kiba don ka jingkitkhlieh kin ym shah pyllait, bad ba ka jingpynïaid beit ïa ki eksamin jong ka ri ka long kaba ym lah ban ïakren.
Ka jingpynshitom kaba stet da ki tnad tohkit ka la pynlong ban kem ïa ki 13 ngut ki nongshah kynnoh, kaba pyni ïa ka jinglong ba sted jong ka sorkar kmie, ka jingkitkhlieh, bad ka jinglong kaba shai.Ban ïada ïa ka jingmyntoi jong ki lak ngut ki samla pule, ka Sorkar ka la pynthikna ba ka pynlong biang ïa ka eksamin ka ban ïaid beit ïaid ryntih da kaba pynbna kloi ïa ki result.
Nalor kata, la wanrah ïa ki aiñ kiba kham pyrkhing kum ka Public Examinations (Prevention of Unfair Means) Act ryngkat bad ki lad jingïada kiba kham khlaiñ ban ïada na ka jinglait tuh ki jingkylli ha ki por ban wan, ban pynkhlain ïa ka digital security, bad ban pynthymmai ïa ka jingpynïaid ïa ki eksamin.
Ka Sorkar ba la ïalam da ka BJP ka la pynpaw biang ba ka jingïada ïa ka lawei jong ki samla jong ka ri India ka dang dei ka jingthmu ba ha khmat tam eh.Ngi khmih lynti ba ka sorkar kmie kan dang pynkhlain ïa ki rukom treikam jong ki tnat treikam, ban pyndonkam ia ki kor ki bor kiba thymmai, bad ban pynthikna ba ki eksamin jong ka ri kin dei ban long kiba leh hok, kiba shngain, bad kiba shai.