Pan jingïarap ka Muaythai Meghalaya na ka tnad Sports ban ïoh leit aireng sha Bangkok
Ban pynmih 8lak ka bai leit bai wan leit ïakhun shabar
Shillong, Jymmang 02 : Ka Muaythai Association of Meghalaya (MTAM) ha ka sngi Ba-ar ka la kyntu ïa ka tnad Sports jong ka sorkar jylla ban kyrshan lang ïa ka jinglut jingsep kaba la poi haduh 8lak tyngka (8.42lak) na bynta saw ngut ki nongïalehkai ba arngut ki nongpynïaid ban leit aireng sha ka lympungbah IFMA World Championship of Mauythai kaban long ha Bangkok, Thailand naduh ka 4-13tarik u Jymmang mynta u snem.
Katkum ka shithi ba ka MTAM ka phah sha ka tnad, la ong ba ka jinglut na bynta ki sawngut ki nongïalehkai kan poi la kumno kumno 5.81lak tyngka nadong shadong katba na bynta arngut ki nongpynïaid pat kan poi 2.61 lak kaba lada khein lang kan kot sha ka 8.42 lak tyngka baroh hynriew ngut.
Haba kren bad ki lad pathai khubor, ki nongïalam ka kynhun ki la pyntip ruh ba kitei ki sawngut ki nongïalehkai kiban leit aireng ha katei ka lympung Seniors Men & Women IFMA WORLD Championship Muaythai”, ka kynthup ïa u Lapynshai Syiemlieh ban aireng ha ka thup U-23 bad 48 kilo. Nangta kiwei pat ki kynthup ïa u Pynehbor Mylliemngap uban aireng ha ka thup Elite (48kilo), Edilbert Ryndongsngi ha ka thup kiba 85 kilo bad ruh u Skhemborlang Marwein ha ka thup kiba 51 kilo.
Ki nongpynïaid jong ka kynhun ki kynthup ïa u Bah Angeles Sun bad Pynsuklang Sumer.
Ka kyrwoh ka ong ruh ba ïa kitei ki sawngut ki nongïalehkai la jied na ka National Muaythai Championship kaba long ha Shrimati Kojti Roa Pow