Shillong, Lber 12: Ki la don haduh palat 22,372 ngut ki nongtrei casual kiba trei ha ki tnat bapher bapher jong ka sorkar jylla.
Na kine, kumba 8494 ki dei ki unskilled, 3737 ngut pat ki dei ki semi-skilled, 6543 ngut ki skilled bad kumba 3598 ngut pat ki dei ki highly skilled.
Ka sorkar jylla ka la hap ban pynlut T. 36,10,77,477 klur na ka bynta ban siew ïa ka tulop manla ka bnai na ka bynta ki nongtrei casual.
Ïa kane la pyntip da u Myntri Rangbah ka jylla u Conrad K Sangma haba jubab ïa ka jingkylli hapoh ka Dorbar Mang Tyngka ha ka sngi baar.
