Shillong, Kyllalyngkot 21: Ka KSU Mawlai Circle ha ka 18 tarik u Kyllalyngkot 2024 ka la ioh ban noh synniang da ka song Pisa sha kawei ka kynhun kaba la tip Kum ka ‘Motsyiar Grassroots Football Academy’.
Ha katei ka sngi la ioh ban ia phylliew jingmut hapdeng ki nongialam jong ka KSU Mawlai circle bad u nongseng ia ka kynhun Motsyiar Grassroot Football Academy u samla Lumlang Khyriemmujat u ba la ioh ia ka license D na ka All India Football Federation (AIFF) ban long kum u coach.
Na ka liang u samla Lumlang u la pynpaw ba ia ka jingthmu ban seng ia ka Football academy ka long kum shi bynta ban kyntiew ia ki hep kiba rit bad ki samla ka shnong mawlai ha ka jingialeh kai Football, u la pynpaw ruh ba bun hi ki khynnah bad ki samla ki ioh ban ialeh kai football tang la don ki tournament lane ki inter Dong ha shnong ha thaw,bad baroh kiba nang ban kynjat Bol hynrei donkam ban ioh ka jinghikai pyntbit shuh lyngba ki coach kiba lah pyndep ia ka jingpiule ka jong ki ha ki kam ialehkai football bad ruh u la pynpaw ba lyngba ka jingwan pyniasoh jong ki khynnah sha ka academy kan iarap shuh shuh ban pynpaw bad ban sei ia ka sap ka jongki kaba ki don ha ka jinglehkai football.
Ka Motsyiar Grassroot Football Academy ym dei ba ka don tang ha shnong Mawlai Motsyiar hynrei ki la sdang ruh ha kine ki khyndiat sngi sha ki thain jong ka shnong Umrynjah.
Ha katei ka sngi na ka liang ka KSU Mawlai Circle lyngba u president u samla Biangbor Paliar kala pynpaw ka jing sngewkmen ia ka jingthmu jong ka academy namar ka long Kum shi bynta ban btien lynti bad ban kyntiew ia ki samla ban dang sei shuh shuh ki sap jongki ka ba ki don ha ka jingleh kai football,bad khamtam haba ngi phai bad ngi peit ha Kum kine ki por ba bun ki samla ki la bún là ngop ha ki jingdih kiba sniew bad dei lyngba ka jongdon kum kine ki shlem ai jinghika kan iarap shibun ia ki samla ban lait na ki jingmyllien ban dih ki jingdih kiba sinew.
Kyntang iawai na ka liang ka circle ka lah ai ka jingkitbok kitrwiang ia ka kynhun Motsyiar Grassroots Football Academy ba ka nang lah ban pyntyllun shuh ia ki kam jongki ha ka jingai jinghikai ia ki khynnah bad ki samla jong ka shnong Mawlai hi baroh kawei.
Ha Kane ka sngi la ia sakhi bad ia don ryngkat lang na ki nongialam ka KSU Mawlai Circle naduh u samla Biangbor Paliar,president ,u samla Badon Malangiang, Sport secretary,samla Gary Mawlieh,publicity secretary,Nangrikupar Malngiang,Organising Secretary,samla Rishot Jana,Sport Secretary,samla Lambert Shabong,asst Finance Secretary & I samla Rapborlang Nongrum Adviser jong ka KSU Mawlai Circle.
