Ngam pyrshah ïa ka Cabinet Retreat, hynrei ym dei ban pynlut na ka pisa paidbah, ong u Bah Pala

0

Shillong, K’ Lyngkot 12: U President ka seng Congress u Bah Vincent H Pala ha ka sngi Saitjaiñ u la pynpaw ïa ka jingdonkam na ka bynta ka sorkar jylla ban pynthikna ba kane ka jingmut ba la pynlong ïa ka Cabinet Retreat kam dei ban long da kaba pynlut ïa ka pisa jong ki paidbah.
Haba kynthoh halor ka jingpynlong ïa ka cabinet retreat kaba ar sngi ha Sohra, u Bah Pala u la ong ba um shym la pyrshah satia ïa kane ka jingmut ban pynlong ïa ka jingïalang ka kynhun Myntri ne ka cabinet ha kiba bun ki jaka.
“Wat ka seng Congress ha jylla Maharashtra kumjuh, ki shait pynlong ïa ka cabinet ha ki jaka bapher bapher hynrei dei da kaba thikna ba kan don ka pisa. Nga tharai ba ka sorkar jylla ka dei ban lah ban pynneh bad kum ka jylla kaba heh kum ka Maharashtra ki la lah ban leh ïa kane. Hynrei ngam long pyrshah ban pynlong ïa ka cabinet shano shano ruh hynrei kam dei ban don ka jingpynlut ïa ka pisa na kaba dei ban pynlut,” ong u Bah Pala sha ki lad pathai khubor.
“Nga tharai kane ka dei ka lad na ka bynta ka sorkar ban thaw pisa khambun ne ka lad na ka bynta jong ki ban thaw, namar phi ïohi namar kawei kawei ka jingïalang ka kynhun Myntri hap ban pynlut da ki klur ka pisa, kumta ngan hap ban peit ïa ka jinglong jingman jong ka jingdon ka pisa hynrei kane ka jingmut kam dei satia kaba sniew hynrei ha kajuh ka por ngin hap ban peit pat ïa ki pla tyngka jong ngi la ngi lah ne em ban pynneh ïa kane ka jingmut. Don ki por ba kane ka jingmut ka long kaba bha tam bad hato ngi lah pat ban pyndonkam ïa ka khlem da pynlut ïa ka pisa jong ki paidbah,” u la bynrap.

Leave A Reply

Your email address will not be published.