Shillong, Kyllalyngkot 11 : Namar ba la jan ka election MLA ha ka jylla ka sorkar ka la pynkynriah kam shuh shuh bun ki ophisar ba kynthup naduh ki MCS haduh ki IAS.
ïa ub ah F.R Kharkongor uba long u Chief Electoral Officer (CEO) la kham pynsting kam noh namar la shim noh na u ïa ka kam Commissioner and Secretary ka tnad Arts and Culture bad Textiles. ïa u bah F.M Dopth IAS uba long u Secretary ka tnad Housing la pynkynriah noh kum u Secretary ka Human Rights Commission.
Dr Joram Beda IAS ba long Secretary jongka tnad Planning, GAD, Soil & Water Conservation, Health and Family Welfare la kyntiew noh kum u Commissioner & Secretary kitei ki tnad haneng.
Nalor kine la pynkynriah kam ruh ia baroh ki Additional Deputy Commissioner, ki Extra Assistant Commissioner, ki BDO na kawei ka district sha kawei pat ka district.
Ka sorkar ka la leh ïa kane namar kino kino ki ophisar kiba la trei palat ïa ka arsnem ha ka juh ka jaka ka hap ban pynkynriah kam beit ïaki shwa ka election namar kane ka dei ka hukum jongka Election Commission of India hi.
