Nongpoh, Nailar 04: Hadien ka jingbym ïoh ïakynduh ïa u Officer In charge ka Byrnihat Police Station, ki nongïalam ka Hills Farmer Union mynta ka sngi kila leit ban ïakynduh syndon ïa u Dr Abhishek Saini Deputy Commissioner ka Ri-Bhoi District ban pynpaw ïa ki jingeh ba ki nongri jingri ha ka jylla ki mad.
Na ka liang u Bah Alfonbirth Khrsyntiew General Secretary ka HFU u la ong ba na ka liang ka seng ka la kyrpad ïa u DC ka Ri-Bhoi ba un bthah ïa u Officer In charge ka Byrnihat Police Station ba un pynshai da ka jingthoh kumba ka seng ka la pan bad ruh ban kyrpad na u DC ban thung noh da ka kynhun Special Investigation Team ban pynlong ka jingtohkit bad ban lap ïa ka jingshisha baroh halor ka kam khrong pisa beaiñ bad ha kajuh ka por la kyrpad ïa u DC ba un pynmih da ka hukum ban pynsangeh noh mardor ïaka jingkhrong pisa beaiñ, na ki kali kit mrad namar kane ka la ktah shisha ïa ki nongri jingri ha ka jylla.
