Na ka 10 sha ka 6 shnong, pynbna ka Bansara Eye Care ba ki la lait na ka jingpang khmat

0

Mawkyrwat, Jymmang, 30: Ka Bansara Eye Care, Mawkyrwat Branch kaba long kum kawei na ki jaka sumar kaba dei na ka bynta kiba pang khmat mynta ka sngi ka 30 tarik u Jymmang, 2023 ka la pynbna paidbah ?a ki 10 tylli shnong kiba lait na jingpang khmat ka ban lam sha ka jingmatlah ha ka jingïalang ba la pynlong hapoh ?ew Mawkyrwat, South West Khasi Hills District ha ryngkat ka jingïadonlang jong u bah T. Lyngwa, IAS, Deputy Commissioner, South West Khasi Hills District kum u kongsan.
Lah ban kdew ba ki 10 tylli ki shnong ki kynthup ïa ka shnong Laitlawsang, Mawmerang, Mawsde, Mawrap, Nonglang, Pyn-dengsakwang, Rang-maw, Shaid Shaid Umoid, Soh-khyllam bad Umjaraiñ ha kaba kine ki shnong ki hap hapoh jong ka South West Khasi Hills District.
Ha ka jingkren lamphrang, u bah Wanteilang Basaiawmoit, Project Co-ordinator, u la ïathuh ba ka Bansara ka dei kawei na ki jaka sumar kaba peit tang na ka bynta kito ki briew kiba don ki jingpang ha ki bynta jong ka khmat bad u la ?athuh ba kum ka branch ha ka 10 tarik jong u bnai ‘Naiwieng, 2019 ka la dep ban pynbna ïa ki 6 tylli ki shnong kiba lait na jingpang khmat ka ban lam sha ka jingmatlah. “Kaba sngewtynnad ba ha u snem 2022 ha u bnai Ïaïong, naduh ka 1 tarik la dep ban jurip ne peit bnai ha ki 10 tylli ki shnong kata Kyntoit Laitlawsang, Mawmerang, Mawsde, Mawrap, Nong-lang, Pyndeng-sakwang, Rang-maw, Shaid Shaid Umoid, Sohkhyllam bad Umjaraiñ”, ïathuh u bah Wantei.
Ha ka jingkren jong u kongsan, u bah T. Lyngwa, IAS, Deputy Commissioner, South West Khasi Hills District u la pynpaw ka jingaikhublei na ka bynta ka Bansara Eye Care kaba la shim ïa kata ka jingkitkhlieh ba kyrpang ban ai jingsumar na ka bynta ki briew kiba don ka jingpang ha ki khmat bad lyngba ka jingtrei jong ki ki bun ki briew ki la ïoh jingkhiah. Namarkata, u la ai ka jingkyntu na ka bynta ki paidbah ba ki dei ban long borabor kiba phikir ïa lade da kaba kin leit phah test ha kine ki jaka sumar namar lada kim phikir ka lah ban poi haduh u pud jong ka jingduh ei ïa ki khmat.
“Ka jingdon ki briew kiba matlah ka dei namar ba ki ïa kynduh kynsan ïa ki jingpang bad ka jingpynkhiah ïa ki ruh ka la eh”, ong u bah Lyngwa bad kumta u kyrpad ba ki briew lada ki sngewba ki don ka jingthut ha ki khmat kim dei ban kheiñstieng hynrei ki dei ban phah peit noh mardor khnang ba kin ïoh ki jingsumar ba biang. U la ong ruh ba da ka jingdon jong kane ka Bansara Eye Care kaba la ju leit na kawei ka shnong sha kawei pat ka la long da shisha ka jingkyrkhu bad ka jingkyrsiew thiah ïa ki paidbah ba kim dei ban lehstieng ïa kane ka bynta kaba ïa dei bad ki khmat namar lada duh ki khmat ka jingim jong ngi ka la sep ei noh.
Ha ka jingkren jong u u la ai jingmut ruh ïa ki paidbah ba ha kine ki jaka jong ngi da bun bha ki dieng kiba jyrngam, namarkata haba ki khie mynstep peit ïa ka jingjyrngam jong ki dieng, ki phlang ki kynbat khnang ba kan long kum ka jingkilanmet ïa ki khmat jong ki.
Kumta haba kren pynkut, u la ai mynsiem ïa ki nongtrei jong ka Bansara Eye Care ba kin nang pynpyiar ïa ki tnad jong ka jingtreikam ha kiwei de ki jaka khnang ba ki briew kin ïoh ki jingmyntoi na kane ka jingsumar khmat.
Ha kajuh ka por la ïoh ruh ka jingkren na u Myntri Shnong jong ka Sohkyllam, u bah P. Wanniang ha kaba u la pynpaw ka jingkmen ba ka don kum kane ka jaka sumar ka ban ai ka jingshakri kaba bha da kaba wan ban peit ha ki shnong bapher bapher bad ka ban long ka jingkyrkhu kaba khraw naduh ki khynnah haduh ki rangbah. Shuh shuh u la ai ka jingkyrkhu kyrdoh ba ka Bansara Eye Care hangne ha Mawkyrwat kan nangkiew shaphrang khnang ba baroh ki shnong kin lait na ka jingshitom khmat. U la buh ka jingkyrpad na ka bynta ki paidbah ba kin ïatreilang lem bad kane ka jaka sumar khnang ban lah ban rad-dyngkhong ïa kane ka jingpang khmat.
La ïoh ruh ka jingkren na ka longkmie kiba dei nongpang kiba la ïoh jingkhiah na ka jingsumar kane ka hospital, kata na ka kong Berbina ha kaba ka la ai ka jingkhublei na ka bynta ki kam kiba ka jaka sumar ka la leh bha namar jong ki khamtam ha ka ban pynkoit ïa ki khmat. “Ngi sngewtngen haba ngi tip ba ka Bansara Eye Care ka dei ka jaka sumar na ka bynta kiba pang khmat bad ngi kmen ba ngin ?oh ka jingkoit na kane ka jaka sumar lada ngi shimkhia”, ka la bynrap.
Kiwei de kiba la ai jingkren ki long u bah Benjamin Warlarpih, State Outreach Co-ordinator, bad u Emmanuel B. Tanti, OEU Representative lyngba ka video.

Leave A Reply

Your email address will not be published.